Ang Labing Importante nga Petsa sa Maragtas

Amo ini ang petsa nga napatay si Jesucristo. Ngaa importante gid ang kamatayon ni Jesus? Tungod sa pila ka rason.

Ang katutom ni Jesus tubtob sa kamatayon nagpamatuod nga mahimo mahuptan sang tawo ang integridad sa Dios.

Ang kamatayon ni Cristo naghatag man sing kahigayunan sa pila gikan sa katawhan nga maggahom kaupod niya sa langit. Dugang pa, nagbukas ini sang dalan sa madamo pa nga makatigayon sang kabuhi nga walay katapusan sa paraiso sa duta.

Sang gab-i antes sia mapatay, gingamit ni Jesus ang tinapay nga walay tapay kag ang alak nga mapula bilang mga simbulo sang iya mahigugmaon tawhanon nga halad. Kag nagsiling sia sa iya mga disipulo: “Padayon nga himuon ninyo ini bilang pagdumdom sa akon.” (Lucas 22:19) Dumdumon mo bala ining importante nga hitabo?

Mainit ka nga ginaagda sang mga Saksi ni Jehova nga magbuylog sa ila pagsaulog sang Memoryal sang kamatayon ni Jesus. Sa sini nga tuig ang petsa sa pagsaulog amo ang Mierkoles, Abril 12, pagkatapos magtunod ang adlaw. Mahimo ka magtambong sa pinakamalapit nga Kingdom Hall sa imo puluy-an. Palihug pamangkuta ang mga Saksi ni Jehova sa inyo lugar para sa eksakto nga oras kag duog.