May Yara Pa Bala Kabuhi sa Tapos sang Kamatayon?

▪ Luyag sang madamo nga mga tawo ang masaligan nga mga sabat sa mga pamangkot subong sang: May yara pa bala kabuhi sa tapos sang kamatayon? Ang kalag bala di-mamalatyon? Ano gid ang ginasiling sang Biblia tuhoy sa pagkabanhaw sa duta?

Sining karon lang, ang isa ka babayi sa Pransia nagsulat sa ulong-talatapan sang mga Saksi ni Jehova didto tuhoy sa sining mga pamangkot. Nagsiling sia: “Masami nga nalipay gid ako magbasa sang inyo mga brosyur, kay matuod pirme ang mga paathag sini tuhoy sa nanuhaytuhay nga mga topiko. Mas mahapos batason ang kabuhi sa bulig kag lugpay nga ginatanyag sang Biblia.”

Nagpaathag sia: “Nagsulat ako sa inyo tuhoy sa brosyur nga Ano ang Nagakatabo sa Aton Kon Mapatay Kita? nga naghatag gid sa akon sing daku nga lugpay. Bangod sini nahangpan ko na ang tuhoy sa kamatayon.” Nagdugang pa sia: “Luyag ko makatigayon sing 10 ukon 15 ka kopya sini nga brosyur para may ipanagtag ako sa akon mga kakilala, agod makabenepisyo man sila sa inyo mga sinulatan.”

Nagapati kami nga makabenepisyo ka man sa sining makawiwili, 32-pahina nga brosyur nga Ano ang Nagakatabo sa Aton Kon Mapatay Kita? Kon luyag mo magpangabay sing isa ka kopya, sulati kag ipadala ang kaupod nga kupon sa adres nga yara sa kupon ukon sa nagakaigo nga adres nga nalista sa pahina 5 sini nga magasin.

□ Interesado ako nga makabaton sing kopya sang brosyur nga Ano ang Nagakatabo sa Aton Kon Mapatay Kita?

□ Palihug kontaka ako may kaangtanan sa isa ka wala sing bayad nga pagtuon sa Biblia sa puluy-an.