Nasalbar ang Ila Pag-asawahay

Sa Bagatnan nga Aprika, natalupangdan sang isa ka ama nga ang isa niya ka empleyada nga si Bella, may problema sa iya pag-asawahay. Gani ginpangabay sang ama si Thandi, nga isa sa mga Saksi ni Jehova, nga istoryahon si Bella. Sang gin-istorya ni Thandi si Bella nanugid ini nga nagdesisyon na sia nga diborsiohan ang iya bana.

Ginhatagan ni Thandi si Bella sing duha ka kopya sang libro nga Ang Sekreto Sang Kalipay sa Pamilya kag ginsilingan si Bella nga ihatag ang isa sa iya bana. Ginhatag ni Bella ang libro sa iya bana. Pagligad sang isa ka semana nabal-an ni Thandi nga ginabasa sang bana ni Bella ang libro kag nangin maayo ang pagkabuhi sang ila pamilya. Tatlo ka bulan sang ulihi ginsugiran ni Bella si Thandi nga paagi sa pangamuyo kag sa Kalipay sa Pamilya nga libro ginsalbar sang Dios ang ila pag-asawahay. Apang, wala pa diri natapos ini nga eksperiensia.

Sang nabalitaan sang ama ni Bella ang natabo, ginrekomendar niya nga magkuha man sini nga libro ang tanan niya nga empleyado. Sa kabilugan, kapin sa isa ka gatos ka kopya sang 192-pahina nga Kalipay sa Pamilya nga libro ang ginhatag sa mga empleyado sang kompanya. Lakip sa makatudlo nga mga kapitulo sang libro ang “Kon ang Pag-asawahay Daw Mabungkag Na,” “Amligi ang Imo Pamilya Gikan sa Makahalalit nga mga Impluwensia,” kag “Hupti ang Paghidait sa Imo Panimalay.”

Makapangabay ka sing isa ka kopya sang Ang Sekreto Sang Kalipay sa Pamilya paagi sa pagsulat sa kaupod nga kupon kag ipadala ini sa adres sa ubos ukon sa nagakaigo nga adres sa pahina 5 sini nga magasin.

□ Interesado ako nga makabaton sing isa ka kopya sang libro nga ginapakita diri.

□ Palihug kontaka ako tuhoy sa walay bayad nga pagtuon sa Biblia sa puluy-an.