Ang Okasyon nga Indi Mo Dapat Wasihon

“Padayon ninyo nga himuon ini bilang pagdumdom sa akon.” Ina nga mga pulong sang aton Ginuong Jesucristo, nga makita sa Lucas 22:19, ginhambal sang ginsugdan niya ang Memoryal sang iya kamatayon. Ang kamatayon ni Jesus amo ang nagbukas sa katawhan sang paglaum nga matigayon ang kabuhi nga walay katapusan sa Paraiso nga mga kahimtangan. Gani ang iya kamatayon isa ka butang nga dapat naton dumdumon.

Saulugon mo bala ang Memoryal subong nga tuig?

Palihug batuna ining imbitasyon sang mga Saksi ni Jehova nga magbuylog sa ila sa pagdumdom sining importante nga okasyon. Hiwaton ini pagtunod sang adlaw sa petsa nga katumbas sang Nisan 14 sa lunar nga kalendaryo sang Biblia. Subong nga tuig ini nga petsa Lunes, Abril 2. Masugid sang mga Saksi ni Jehova sa inyo lugar ang lokasyon kag ang eksakto nga oras sang pagsaulog sini nga okasyon sa inyo komunidad.