“Amo Gid Ini ang Kinahanglan Namon!”

Amo ini ang natuaw sang isa ka iloy sa Italya sang nabaton niya ang libro nga Magtuon Gikan sa Daku nga Manunudlo. “Indi ko mapunggan nga maghibi,” siling niya. Tuhoy sa iya bata nga babayi, sia nagsiling pa: “Indi pa sia makahibalo magbasa, apang paagi sa mga laragway, madumduman niya ang importante nga mga punto. Nagapamati gid sia bangod ang estilo sang pagsulat daw nagapakig-istorya lamang sa mga bumalasa kag masami sa mga bahin nga may mga pamangkot, nagasabat sia. Amo ini ang pinakamaayo nga regalo nga nabaton namon.”

Ang isa ka amay sa Italya nagsiling nga madugay na nila nga mag-asawa ginapalibugan kon paano nila ipaathag sa ila anak nga lalaki ang butang may kaangtanan sa sekso. “Sang ginpagua ining bag-o nga publikasyon,” siling nila, “pamatyag namon daw nahibaluan gid sang Dios ang amon ginapaligban. Sang mabasa namon ini, nakita namon kon paano mapalig-on sining bag-o nga libro ang amon bata sa pagpamensar kag pagpangatarungan.”

Isa ka lamharon nga babayi sa Japan nga ginhimuslan sang bata pa sia, nagsulat tungod sang iya apresasyon sa libro: “Naghilibion ako kag nagpasalamat gid kay Jehova. Ginabinagbinag sini nga libro sing prangka kag sing sibu ang mga butang nga pagaatubangon sang mga kabataan sa sining malain gid nga tion. Ang mga pamangkot nagapalig-on sa isa ka bata nga ipabutyag ang iya balatyagon. Daku gid ang mabulig sang kapitulo 32 sa pag-amlig sa mga bata batok sa malain nga mga tawo! Tuhay gid kuntani ang nangin kabuhi ko kon may yara na sing subong sini ka talangkod kag nagatudlo nga libro sang nagligad nga 20 ka tuig.”

Mahimo ka makapangabay sing isa ka kopya sining 256 ka pahina nga libro nga may matahom nga ilustrasyon nga pareho kalapad sini nga magasin. Sulati ang kaupod nga kupon kag ipadala ini sa adres nga yara sa kupon ukon sa mga adres nga nalista sa pahina 5 sining magasin.

□ Luyag ko nga makabaton sing isa ka kopya sang libro nga ginapakita diri.

□ Palihug kontaka ako tuhoy sa walay bayad nga pagtuon sa Biblia sa puluy-an.