“Kon Basahon Lamang Ini sang mga Tawo!”

Ang ginapatuhuyan sang manunulat amo ang libro nga Mangin Suod kay Jehova. Nagsiling pa sia, “Bangod nakita ko na karon kon daw ano ako ka palangga ni Jehova, luyag ko man ipakita ini nga gugma sa iban.” Ang isa pa ka mainapresyahon nga bumalasa nagsiling: “Indi ko malaragway ang kalipay nga nabatyagan ko sang mabasa ko ini nga libro. Daku gid ang nabulig sini sa akon. . . . Samtang padayon ko ini nga ginabasa labi pa gid ako nga napalig-on.”

Ang apat ka panguna nga seksion sini nga libro nagabinagbinag sang nagapangibabaw nga mga kinaiya sang Dios nga amo ang gahom, katarungan, kaalam, kag gugma. “Nabuligan ako sini nga libro nga makita ang maayo nga mga kinaiya sang akon langitnon nga Amay,” siling sang isa ka bumalasa. “Paagi sa sini nga libro narealisar ko nga kon magpatuytoy ako sa iya balaan nga espiritu mailog ko ang iya mga kinaiya.”

Pagkatapos matun-an ang kapitulo 26 nga may tig-ulo “Isa ka Dios nga ‘Handa Magpatawad,’” si Joanna, isa ka pamatan-on nga babayi nga taga-Poland nagsiling, “Ang mensahe sini nga libro daw kaangay sang malahalon nga bahandi kay daku gid ang nabulig sini sa akon.”

Nagapati kami nga mabuligan ka man kag malugpayan kon basahon mo ining 320-ka pahina nga libro. Mahimo ka makapangabay sing isa ka kopya paagi sa pagsulat sa kaupod nga kupon kag ipadala ini sa adres nga nasulat sa sini nga kupon ukon sa nagakaigo nga adres sa pahina 5 sini nga magasin.

□ Interesado ako nga makabaton sing isa ka kopya sang libro nga ginpakita diri.

□ Palihug kontaka ako tuhoy sa walay bayad nga pagtuon sa Biblia sa puluy-an.