Ang Labing Importante nga Hitabo sa Kasaysayan

Ini nga hitabo amo ang kamatayon ni Jesucristo. Ngaa?

Ginbayaw sini ang pagkamatarong sang Dios, kag ginpamatud-an sini nga masarangan sang tawo nga maghupot sing bug-os nga katutom sa Dios.

Bangod sini, may paglaum na ang mga tawo nga mabuhi sing dayon sa Paraiso sa duta.

Ginsugdan mismo ni Jesus ang pagdumdom sa iya kamatayon sang gab-i antes sia mapatay. Simple lang ini nga seremonya. Sa sini nga tion, ginhambalan niya ang iya mga disipulo: “Padayon ninyo nga himuon ini bilang pagdumdom sa akon.”​—Lucas 22:19, 20.

Luyag mo bala ini saulugon?

Ginaagda ka sang mga Saksi ni Jehova nga magbuylog sa ila pagsaulog sining labing importante nga hitabo sa kasaysayan. Sini nga tuig, pagahiwaton ini sa Sabado, Marso 22, pagtunod sang adlaw. Palihug pamangkuta ang mga Saksi ni Jehova sa inyo duog sang eksakto nga oras kag kon diin ini hiwaton. Wala sing pagpangolekta sing kuarta, kag ginaabiabi gid ang tanan nga bisita nga mamati sa makapalig-on nga pamulongpulong kag mag-obserbar kon paano ini ginahiwat.