Paglandas sing Depresyon sa Pagkapamatan-on

GINPANGABAY ang mga estudyante nga nagakuha sing kurso nga Ingles sa Mexico nga maghanda sing pamulongpulong sa topiko nga luyag nila. Nagpaathag si Maritza: “Nakaagi ako anay sang depresyon, kag nakabulig sa akon ang serye sang artikulo nga ‘Help for Depressed Teens,’ sa Septiembre 8, 2001 nga Awake! Gani gingamit ko ang impormasyon sa sini nga magasin, kag nakakuha ako sing mataas nga grado. Pagkatapos, ginhatagan ko sing kopya sina nga serye sang artikulo ang mga estudyante kag ang mga maestra.”

Duha ka tuig sang ulihi, samtang nagapamalaybalay si Maritza, nabisitahan niya ang isa ka estudyante nga nagakuha sing amo man nga Ingles nga kurso. Nakibot gid si Maritza sang ginpakita sa iya sang estudyante ang kopya sang Awake! nga may artikulo tuhoy sa depresyon sa pagkapamatan-on. Ginpabaloran gid ini sang maestra amo nga ginhatagan niya sing kopya ang tagsa niya ka estudyante!

Matigayon mo ang dugang nga impormasyon tuhoy sa depresyon sa pagkapamatan-on sa libro nga Questions Young People Ask​—Answers That Work. Lakip sa mga kapitulo sini amo: “Why Don’t I Like Myself?,” “Why Do I Get So Depressed?,” kag “How Can I Make My Loneliness Go Away?” Makapangabay ka sing isa ka kopya paagi sa pagsulat sa kaupod nga kupon kag ipadala ini sa adres sa ubos ukon sa nagakaigo nga adres sa pahina 5 sini nga magasin.

□ Interesado ako nga makabaton sing kopya sang libro nga ginpakita diri.

□Isulat kon ano nga lenguahe.

□ Palihug kontaka ako tuhoy sa walay bayad nga pagtuon sa Biblia sa puluy-an.