Bulig sa Tion sang Pagpangasubo

▪ Ang amay sang isa ka babayi napatay sang 12 anyos pa lang sia. Sugod sadto, indi sia mapahamtang kag napung-awan sa sulod sang mga tinuig. Sa iya sulat sa sanga talatapan sang mga Saksi ni Jehova sa Canada, nagpaathag sia:

“Nalugpayan lamang ako sang nabasa ko ang brosyur nga Kon ang Isa nga Ginahigugma Mo Mapatay. Nagbulig ini sa akon sa tion sang pagpangasubo. Nagahibi gihapon ako kon hidlawon ako kay Tatay. Apang, paagi sa pagbasa, pagpamalandong, pagpangamuyo, kag paghibi samtang ginabasa ko ang brosyur kag ang mga teksto sa Biblia, naghaganhagan ang akon kasubo, kag nalugpayan ako sa mga saad sang Dios.

“Ginapabaloran ko gid ang mga tinaga kag mga teksto sa Biblia sa sini nga brosyur. Paagi sini, nabatyagan ko nga nagpali ang pilas sa akon balatyagon. Nalugpayan na ako subong. Para sa akon, ini nga brosyur maayo gid nga bulig sa tion sang pagpangasubo.”

Napatay bala ang imo pinalangga? Nasubuan ka bala sa gihapon? Luyag mo bala malugpayan? Ano ang paglaum nga ginahatag sang Biblia para sa napatay? Mahimo makabulig sa imo ukon sa kilala mo ang 32-pahina nga brosyur nga Kon ang Isa nga Ginahigugma Mo Mapatay. Makapangabay ka sing kopya paagi sa pagsulat sa nalakip nga kupon kag ipadala ini sa adres nga gin-aman ukon sa nagakaigo nga adres nga nalista sa pahina 5 sini nga magasin.

□ Interesado ako nga makabaton sang brosyur nga ginpakita diri.

□Isulat kon ano nga lenguahe.

□ Palihug kontaka ako tuhoy sa walay bayad nga pagtuon sa Biblia sa puluy-an.