“Wala Gid Ako Kabalo nga May Ngalan Gali ang Dios”

▪ Ginhambal ini sang isa ka babayi sa tapos niya mabasa ang libro nga Ano Gid ang Ginatudlo Sang Biblia? “Pero tuod no,” siling niya. “Sang ginpangita ko sa akon Biblia ang ngalan sang Dios, ara gid ya!” Nagpaathag sia: “Subong lang ako nakabasa sang isa ka libro parte sa Biblia nga praktikal gid kag mahapos hangpon!”

Ang libro nga Ginatudlo Sang Biblia wala lamang nagapakita sang orihinal nga katuyuan sang Dios nga mangin paraiso ang duta kundi ginapaathag man sini kon paano matuman ina nga katuyuan. Ginapakita sini nga libro ang importante nga papel sang Anak sang Dios, si Jesucristo, sa pagtuman sini nga katuyuan. Nagahatag ini sing paathag sang Biblia kon ngaa nagatigulang kita kag nagakapatay, ngaa gintugutan sang Dios ang pag-antos, kag paano mahatag sang Ginharian sang Dios ang kaumpawan sa tanan naton nga ginaantos.

Mga tatlo pa lang ka tuig ang nagligad sugod sang ginpagua ang libro nga Ginatudlo Sang Biblia, sobra na sa 79 milyones ka kopya sini ang naimprinta sa 220 ka mga lenguahe. Makapangabay ka sing isa ka kopya paagi sa pagsulat sa kaupod nga kupon kag ipadala ini sa adres nga makita sa ubos ukon sa nagakaigo nga adres sa pahina 5 sini nga magasin.

□ Interesado ako nga makabaton sing isa ka kopya sang libro nga Ano Gid ang Ginatudlo Sang Biblia? nga ginpakita diri.

□ Palihug kontaka ako tuhoy sa walay bayad nga pagtuon sa Biblia sa puluy-an.