Nag-ayo Bangod sa ‘Daan Na Katama nga Libro’

▪ Nagapamalaybalay ang isa ka Saksi ni Jehova sa Brazil, sa Bagatnan nga Amerika, sang may nakilala sia nga isa ka babayi. Ginsugiran sia sining babayi nga ang iya ugangan nag-ayo bangod sa isa ka libro. Namangkot ang Saksi kon ano ini nga libro. “Daan na ato katama nga libro,” siling sang babayi, kag ginkuha sini ang nagakatata na nga Ang Akon Libro sang mga Sugilanon sa Biblia nga iya sang iya bata nga lalaki.

Ginsugid sang babayi nga may depresyon ang iya ugangan, kag nahadlok ini nga mapatay. Nahadlok man ini sa dulom, gani nagahigda na lang ini. Sang nakatigayon ang bata sang Sugilanon sa Biblia nga libro, ginbasahan niya sini ang iya lola. Naumpawan ang lola sa iya ginabatyag bangod sa ginabasa sang iya apo, amo nga nadula ang iya depresyon.

Ang Saksi nagsaysay: “Sang ginsilingan ko ang babayi nga ini nga libro ginabalhag sang mga Saksi ni Jehova kag puede ko sia madal-an sing bag-o nga kopya, nangabay sia sing duha ka kopya. Ang isa para sa iya kag ang isa para sa iya ugangan. Sang gindul-ong ko ang mga libro, nangabay sia sing dugang pa. Sa kabug-usan, 16 ka libro na ang iya nakuha para sa iya mga abyan!”

Makapangabay ka sing kopya sang Ang Akon Libro sang mga Sugilanon sa Biblia. Ining 256-pahina nga libro may 116 ka sugilanon tuhoy sa mga karakter kag mga hitabo sa Biblia. Sa nagligad nga 30 ka tuig sugod sang ginbalhag ini nga libro, kapin na sa 72 milyones ka kopya ang naimprinta. Makapangabay ka sing kopya paagi sa pagsulat sa kaupod nga kupon kag ipadala ini sa adres nga makita sa ubos ukon sa nagakaigo nga adres sa pahina 5 sini nga magasin.

□ Interesado ako nga makabaton sing kopya sang libro nga ginpakita diri.

Isulat kon ano nga lenguahe.

□ Palihug kontaka ako tuhoy sa walay bayad nga pagtuon sa Biblia sa puluy-an.