‘Ang Pinakamaayo nga Libro Tuhoy sa mga Relihion’

▪ Ang isa ka maestra sang hayskul sa Canada nabudlayan sa pagtudlo sa mga estudyante tuhoy sa pagpati sang pila ka relihion sa ila lugar. Sang nabasa niya ang Mankind’s Search for God nga libro, nagsiling sia: “Sa tanan nga libro nga akon nabasa, amo ini ang pinakamaayo magpaathag tuhoy sa mga relihion sa bug-os nga kalibutan!” Nagdayaw gid sia sa sini amo nga nangayo sia sing permiso sa tagdumalahan sang ila eskwelahan kag gintugutan sia nga gamiton ini nga libro sa iya klase.

Nagsiling pa gani ang maestra nga handa sia sa pagbiyahe sing kapin sa 500 kilometros agod makakuha sing 40 ka kopya sini nga libro sa sanga talatapan sang mga Saksi ni Jehova sa Canada. Apang, ang mga Saksi sa ila lugar nalipay sa pagdul-ong sa iya sang mga libro. Nanamian ang pila ka estudyante sa iya klase sa sini nga libro amo nga luyag nila makatigayon sing kaugalingon nga kopya.

Makita mo mismo nga ini nga libro makabulig gid sa imo nga mahibaluan ang mga pagpati sang mga tawo sa inyo komunidad. Ginapaathag sini ang ginhalinan, kasaysayan, kag mga panudlo sang dalagku nga mga relihion sa bug-os nga kalibutan​—lakip na ang Hinduismo, Budhismo, Taoismo, Confucianismo, Shintoismo, Judaismo, Islam, kag Cristianismo.

Mahimo mo matigayon ang may matahom sing larawan nga 384 ka pahina nga libro nga Mankind’s Search for God paagi sa pagsulat sa kupon kag pagpadala sini sa nagakaigo nga adres nga yara sa pahina 5 sa sini nga magasin.

□ Interesado ako nga makabaton sing kopya sang libro nga Mankind’s Search for God.

□ Isulat kon ano nga lenguahe.

□ Palihug kontaka ako tuhoy sa walay bayad nga pagtuon sa Biblia sa puluy-an.