Nakabulig ini sa ila nga Mangin Mapuslanon ang ila Kabuhi

▪ Ang libro nga “Kari Ka Mangin Sumulunod Ko” may daku gid nga epekto sa mga nagabasa sini. “Nangin matuod gid sa akon si Jesus,” siling sang isa ka babayi. “Naapresyar ko gid ang iya papel. Gusto ko man nga mangin mapuslanon pa ang akon kabuhi, kag magbantala sing maayong balita nga kinahanglanon gid sang mga tawo subong.”

Ang isa ka amay nagsulat: “Paagi sini nga libro, nahangpan ko nga importante gid nga sundon ang maayo nga halimbawa ni Jesus . . . Natun-an ko man sa sini nga libro nga pamalandungan ang mga panudlo ni Jesus kag ang mga kinaiya nga iya ginpakita sang yari sia sa duta. Ini amo ang pagkamapainubuson, gugma, daku nga pagpasensia, pagkamatinumanon, kag pagbatas. Naghatag gid si Jesus sing pinakamaayo nga halimbawa nga nakabulig sa akon nga magpadayon.”

Ang isa pa ka bumalasa nag-ugyon sa ginsiling sa likod nga bahin sang libro. Ini nagasiling: “Si Jesucristo amo ang gintangdo sang Dios nga Lider nga kinahanglan sang tanan nga tawo. . . . Ini nga libro magabulig sa imo nga makilala si Jesus sing labi pa kag masunod sia sing maayo pa.” Dayon nagsiling ini nga bumalasa, “Ini nga libro makabulig gid sa aton nga higugmaon si Jesus, magtuo sa iya, kag tumanon kag sundon sia.”

Ang libro nga “Kari Ka Mangin Sumulunod Ko” may 192 ka pahina, kag 13 sa sini ang may full-page nga piktyur nga nagapakita sang lainlain nga aspekto sang kabuhi ni Jesus sa duta. Mahimo ka makakuha sing kopya sini nga libro. Sulati ang kaupod nga kupon kag ipadala sa adres sa ubos ukon sa nagakaigo nga adres nga makita sa pahina 5 sini nga magasin.