‘Ginasabat Sini ang Amon mga Pamangkot’
‘Ginasabat Sini ang Amon mga Pamangkot’
▪ ‘Ginasabat sini ang amon mga pamangkot.’ Amo ini ang siling sang mga pamatan-on parte sa bag-o nga libro nga Questions Young People Ask—Answers That Work, Volume 2. “Indi ko mahangpan ang akon kaugalingon,” sulat ni Jessicah nga taga-Texas, U.S.A. “Napalig-on gid ako sini nga libro. Nakabulig gid ini sa akon kay nahibaluan ko nga madamo man sing mga pamatan-on kaangay ko ang may mga problema samtang nagaalagad sa Dios. Ginasabat sini nga libro ang halos tanan ko nga pamangkot subong pamatan-on.”
Si Breann nga taga-Colorado nagsiling: “Ginapalig-on gid sang inyo libro ang komunikasyon sa tunga sang mga ginikanan kag mga kabataan. Sang gusto ko istoryahon si Nanay, gindala ko ang libro kag ginbasa ini sa iya. Ang isa ko ka abyan nagaplano man nga istoryahon ang iya mga ginikanan sang nabasa niya ini nga libro.”
Ginasabat sang nahauna nga mga kapitulo sini nga libro ang mga pamangkot sang mga pamatan-on parte sa pagpakigrelasyon sa mga indi kasekso. Si Katrina nga taga-New Jersey nagsulat: “Ginpabaskog sini nga libro ang akon determinasyon nga bisan ano pa ang isiling sang iban, indi pa ako handa sa pagpakigdeyt. Kay man, madamo ka sing mahimo kon wala ka sing bana. Luyag ko ipadayon ang ginahimo ko subong. Kag kon handa na ako makigdeyt, makahibalo na ako magpili sing pamanahon.”
Mahimo ka makakuha sing kopya sini nga libro paagi sa pagsulat sa kupon sa ubos kag ipadala ini sa adres nga makita sa kupon ukon sa isa sa nagakaigo nga adres nga makita sa pahina 5 sini nga magasin.
[Retrato sa pahina 32]
Jessicah
[Retrato sa pahina 32]
Breann
[Retrato sa pahina 32]
Katrina
