Ebolusyon Ukon Pagpanuga Diin ang Husto?

▪ Sang 12 anyos ang taga-Mexico nga babayi nga si Aspen, ginpangabay sia sang iya maestra sa biology nga ipaathag sa iya mga klasmeyt kon ngaa nagapati sia sa pagpanuga sa baylo sang ebolusyon. Napaathag sing maayo ni Aspen ang iya pagpati, nga nagasaysay nga ang tagsa ka organismo nadesinyo sing maayo, kag nagapamatuod ini nga may nagdesinyo kag nagtuga sa sini. Bangod nahibaluan sang iya maestra nga mga geologist ang mga ginikanan ni Aspen, ginpangabay niya sia nga magpreparar kag magpresentar sang isa ka report kon bala ang mga fossil nagapamatuod sa pagpanuga.

Pagkadason nga adlaw, nagdala si Aspen sa eskwelahan sang pila ka sampol sang fossil kag ginsilingan niya ang iya mga klasmeyt nga ang nasapwan nga mga fossil wala nagapakita nga matuod ang ebolusyon. Ginpaathag man niya nga ang tagsa ka grupo sang mga fossil nagluntad sa lainlain nga tion kag nagasuporta ini sa kasaysayan sang Genesis parte sa pagpanuga.

Nabatian man sia sang ila prinsipal. Ginkamusta kag gindayaw niya si Aspen bangod sa iya pagpati kag pagpangapin sa pagpanuga. Ang iya maestra nagkomento nga ang pagpanuga isa gid ka maathag nga panudlo, samtang makalilibog naman ang ebolusyon. Ginhatagan dayon ni Aspen ang iya maestra, ang iban nga estudyante, kag ang iya prinsipal sing balasahon nga nagapaathag sang mga ebidensia sang siensia parte sa pagpanuga.

May mabakod gid man bala nga ebidensia base sa siensia nga may yara sing Manunuga? Kon may Manunuga gid man, nagaulikid bala sia sa aton? Ginapalig-on namon kamo nga basahon ang matahom nga 256-pahina nga libro nga Life—How Did It Get Here? By Evolution or by Creation?

Mahimo ka makapangabay sing kopya sini nga libro paagi sa pagsulat sa kupon sa ubos kag ipadala ini sa adres nga makita sa kupon ukon sa isa sa nagakaigo nga adres nga nalista sa pahina 5 sini nga magasin.

□ Interesado ako nga makabaton sing kopya sang libro nga ginapakita diri.

□ Palihug kontaka ako para sa wala sing bayad nga pagtuon sa Biblia sa puluy-an.