Gintindugan Niya ang Iya Ginapatihan

▪ Sang nagligad nga pagsaulog sang Krismas, ang klase sang siete anyos nga si Morgan gin-asayn nga magbasa sang isa ka istorya parte sa sini nga selebrasyon. Ginsilingan ni Morgan ang iya maestra nga para sa iya ini nga selebrasyon wala nabase sa Biblia. Ginpasugtan sia sang iya maestra nga magbasa na lang sang iban nga istorya nga indi supak sa iya ginapatihan.

Sang ulihi, may awarding sa ila eskwelahan kag gin-imbitar ang pamilya ni Morgan. Nakibot gid si Morgan sang ginhatagan sia sing award bangod sa iya kaisog nga tindugan ang iya pagpati. Sang ginpamangkot sia kon ngaa wala sia nahadlok magsugid sang iya pagpati, ginpaathag niya nga ginabasa nila sang iya pamilya ang libro nga Magtuon Gikan sa Daku nga Manunudlo. Ang mga leksion sa sini nga libro ginbase sa kabuhi kag mga panudlo ni Jesucristo.

Ining 256 ka pahina nga libro, nga may matahom nga mga piktyur, makabulig sa mga ginikanan agod makaistoryahanay sila sang ila kabataan. Lakip sa mga kapitulo sini amo ang, “Kon Ngaa Indi Kita Dapat Magbinutig,” “Nahamuot Bala ang Dios sa Tanan nga Party?,” kag “Bulig Agod Malandas ang Aton Kahadlok.”

Mahimo ka makakuha sing kopya sini nga libro paagi sa pagsulat sa kupon sa ubos kag ipadala ini sa adres nga makita sa kupon ukon sa isa sa mga adres nga makita sa pahina 5 sini nga magasin.

□ Nagapangabay ako sing isa ka kopya sang libro nga ginapakita diri.

□ Palihug kontaka ako para sa wala bayad nga pagtuon sa Biblia sa puluy-an.