Gusto Mo Bala Mangin Abyan sang Dios?

● Ano ang imo sabat sa sini nga pamangkot? Ang isa ka babayi nga nagaistar sa malayo nga lugar sa Guerrero, Mexico, nagsiling nga sang una abi niya imposible ini. Ginapakita sa iya sang duha ka babayi nga mga Saksi ni Jehova ang brosyur nga Mahimo Ikaw Mangin Abyan sang Dios! sa iya mismo lenguahe. Nakibot gid sia nga ini nga brosyur nasulat sa Tlapanec nga lenguahe kay ang nakita lamang niya nga mga balasahon sa iya lenguahe amo ang mga publikasyon sang gobierno.

Ginpaathag sa iya sang duha ka Saksi nga ang brosyur pamatuod sang gugma sang Manunuga sa iya bangod paagi sini makilala niya sia. Ginbasa niya dayon ang una nga leksion nga may tig-ulo, “Ginaagda Ikaw sang Dios nga Mangin Abyan Niya.” Sang matapos niya ini, nagsiling sia: “Gusto ko mangin abyan sang Dios. Puede ‘nyo ko madalhan sing Biblia?” Sang nagbalik ang mga Saksi, gindalhan nila sia sing Biblia. Ginpangabay man sang iloy sang babayi ang mga Saksi nga tudluan sila sing dugang pa.

Ang brosyur nga Mahimo Ikaw Mangin Abyan sang Dios! naimprinta sa 17 ka lenguahe sang mga Indian sa Mexico, kag isa sa sini amo ang Tlapanec. Sa bug-os nga kalibutan, matigayon ini sa 278 ka lenguahe (lakip ang Braille). Mahimo ka makapangabay sing kopya sini paagi sa pagsulat sa kupon sa ubos kag ipadala ini sa adres nga makita sa kupon ukon sa adres nga nalista sa pahina 5 sini nga magasin.

□ Interesado ako nga makabaton sing kopya sang brosyur nga ginpakita diri.

□ Palihug kontaka ako para sa wala sing bayad nga pagtuon sa Biblia sa puluy-an.