Bulig Para sa Isa ka Nasit-an nga Pamatan-on

SI Sibia isa ka 13-anyos nga estudyante sa Mexico. Natalupangdan niya nga ang iya isa ka klasmeyt nga babayi pirme lang nagasampot sa eskwelahan nga nagahibi. Gusto niya nga lugpayan sia. Isa ka adlaw ang klasmeyt ni Sibia nanugid nga ang iya amay alkoholiko kag ginasakit sini ang iya iloy.

Si Sibia nag-asoy: “Ginsilingan niya ako nga luyag na niya mapatay, kag gintilawan na gani niya nga maghikog. Siling niya wala sing may nagapalangga sa iya kag pamatyag niya nagaisahanon lang sia. Ginhambalan ko sia nga may Isa nga nagapalangga gid sa iya, ang labing importante nga Persona sa uniberso. Dayon ginpaathag ko sa iya ang katuyuan ni Jehova para sa mga tawo.”

Sang ulihi, ginhatagan ni Sibia ang iya klasmeyt sing libro nga Questions Young People Ask—Answers That Work kag ginatun-an nila ini kada mag-recess adlaw-adlaw. Amat-amat nga nagbag-o ang iya klasmeyt kag indi na ini tanto ka hipuson kundi nagapakigsugilanon kag nagakadlaw na ini upod sa iban. Sa iya sulat kay Sibia, ang iya klasmeyt nagsiling: “Salamat sa imo pagpakig-abyan kag paghangop. Kaangay ka sa isa ka utod nga babayi nga madugay ko na nga ginahandum. Karon nahibaluan ko na nga may isa nga nagaulikid sa akon—si Jehova.”

Ayhan may kilala ka nga pamatan-on nga makabenepisyo man sa Young People Ask nga libro. Lakip sa 39 ka mga kapitulo sini ang mga masunod: “How Can I Make Real Friends?,” “What About Sex Before Marriage?,” kag “How Do I Know If It’s Real Love?” Makapangabay ka sing isa ka kopya paagi sa pagsulat sa kaupod nga kupon kag ipadala ini sa adres nga yara sa kupon ukon sa nagakaigo nga adres nga nalista sa pahina 5 sini nga magasin.

□ Interesado ako nga makabaton sing kopya sang libro nga ginapakita diri.

□ Palihug kontaka ako tuhoy sa wala sing bayad nga pagtuon sa Biblia sa puluy-an.