Nakatuon Sia Upod sa Iya Kabataan

● Ang isa ka iloy nga mga treintahon nga nagaistar upod sa iya bana kag tatlo ka kabataan sa Kentucky, U.S.A. nagsulat, “Nanamian gid kami sang akon pamilya sa mga publikasyon sang mga Saksi ni Jehova.” Nagsiling sia: “Ang paborito ko para sa akon kabataan amo ang libro nga Ang Akon Libro sang mga Sugilanon sa Biblia.” Nagsiling pa sia: “Nakatuon man ako upod sa ila.”

Ini nga libro may matahom nga mga piktyur kag nagaistorya parte sa mga hitabo sa Biblia sing pasunod. Halimbawa sa Bahin 2 mabasa mo ang mga istorya nga “Malain nga Hari sang Egipto,” “Kon Paano Naluas ang Bata nga si Moises,” “Kon Ngaa Nalagyo si Moises,” “Si Moises kag si Aaron Nagkadto kay Paraon,” “Ang 10 ka Kalalat-an,” kag “Pagtabok sa Dagat nga Pula.”

Ang Bahin 6 nga “Pagkabun-ag ni Jesus Tubtob sa Iya Kamatayon,” nagaistorya sang kabuhi ni Jesus. Mabasa mo diri ang istorya nga “Natao si Jesus sa Kwadra.” Mabasahan mo man diri ang “Mga Tao nga Gintuytoyan sang Bituon.” Ginapakita sini nga istorya nga ang “mga hari,” mga astrologo gali. “Nagsulod sila sa balay” para magbisita kay Jesus, kag indi sa kuadra diin sia nabun-ag. Ini nga mga tawo ginpaandaman sang Dios nga indi na magbalik kay Herodes, nga gusto magpatay kay Jesus. Ano ang ginapakita sini kon sin-o gid ang ginhalinan sang bituon?—Mateo 2:1, 11, 12.

Makatuon ka man upod sa imo kabataan kon basahon mo Ang Akon Libro sang mga Sugilanon sa Biblia. May 116 ini ka istorya nga nagatudlo parte sa mga karakter kag hitabo sa Biblia. Makapangabay ka sing isa ka kopya sini nga libro paagi sa pagsulat sa kaupod nga kupon kag sa pagpadala sini sa nagakaigo nga adres nga makita sa kupon ukon sa adres nga nalista sa pahina 5 sini nga magasin.

❑ Interesado ako nga makabaton sing kopya sang libro nga ginpakita diri.

❑ Palihug kontaka ako para sa wala bayad nga pagtuon sa Biblia sa puluy-an.