Puede Na Sila Tudluan

● Amo sina ang ginsiling sang isa ka iloy sa California, U.S.A., sa iya sulat parte sa isa ka topiko sa libro nga Magtuon Gikan sa Daku nga Manunudlo. Nagsiling pa sia: “Sang nagligad lang nga semana, gindala namon sang akon bana ang amon 3 anyos nga bata nga si Javan sa isa ka pediatrician. Namangkot ang doktora kon natudluan na namon si Javan parte sa paghalong sang iya kinatawo. Ginsugid ko sa iya ang akon nabasahan sa Manunudlo nga libro, nga nagapaathag nga indi dapat pagtandugon sang bisan sin-o ang kinatawo sang iban. Nalipay ang doktor kay gin-istorya namon ini sa amon bata.”

Nagsiling ang iloy: “Kanami gid sang pagpaathag sini nga libro sa sining importante nga mga butang.” Ang ginatumod niya amo ang kapitulo nga may tig-ulo nga “Kon Paano Gin-amligan si Jesus.” Ginasugid diri kon paano ginproteksionan si Jesus sang iya langitnon nga Amay sa malaut nga si Hari Herodes. (Mateo 2:7-23) Ginapakita man sini nga libro kon paano maproteksionan bisan sang magagmay nga mga kabataan ang ila kaugalingon kon may gusto nga magmolestia sa ila.

Makapangabay ka sing kopya sining 256 ka pahina nga libro, nga pareho kadaku sini nga magasin. Sulati lang ang kupon sa ubos kag ipadala ini sa adres nga makita sa kupon ukon sa nagakaigo nga adres sa pahina 5 sini nga magasin.

□ Interesado ako nga makabaton sing kopya sang libro nga ginapakita diri.

□ Palihug kontaka ako para sa wala bayad nga pagtuon sa Biblia sa puluy-an.