“Salamat sa Pagpakilala sa Akon sang Amay nga Mahigugmaon”

● Ang 19 anyos nga babayi sa bagatnan nga Estados Unidos nagsulat: “Nagdaku ako sa pamilya nga palasimba kag nagabaton kay Cristo subong Manluluwas. Pero halin sang una nahadlok gid ako sa paghukom sang Dios sa kalayuhon nga impierno. Dayon ginbasa ko ang inyo libro nga Ano Gid ang Ginatudlo sang Biblia?

“Sang mabasa ko ang pila ka kapitulo, nagmag-an ang akon pamatyag. Daw pareho lang nga may nagkuha sa elepante nga nagatungtong sa akon dughan. Natun-an ko nga si Jehova mahigugmaon, mainayuhon, kag maluluy-on nga Dios. Gusto niya nga mangin suod ako sa iya indi bangod sa kahadlok kundi bangod sa gugma sa iya. Gusto ko magkadto sa Kingdom Hall sang mga Saksi ni Jehova sa sini nga Domingo! Excited na ako. Salamat sa pagpakilala sa akon sa Amay nga mahigugmaon nga wala nagapaantos sa mga tawo sa kalayuhon nga impierno.”

Ginabinagbinag man sang Ginatudlo sang Biblia nga libro ang importante nga mga topiko pareho sang kahimtangan sang mga patay, pagkabanhaw, kon paano mangin malipayon ang pamilya, kon sin-o ang Dios kag si Jesucristo, kag kon ngaa gintugutan sang Dios ang pag-antos. Makapangabay ka sing isa ka kopya sini nga libro paagi sa pagsulat sa kaupod nga kupon kag sa pagpadala sini sa nagakaigo nga adres nga makita sa kupon ukon sa adres nga nalista sa pahina 5 sini nga magasin.

□ Interesado ako nga makabaton sing kopya sang libro nga ginpakita diri.

□ Palihug kontaka ako para sa wala bayad nga pagtuon sa Biblia sa puluy-an.