Gindesinyo Bala Ini?

Ang Kula sang Lago nga Sandcastle

● Ginakay-o sang mga manug-opera ang nabuka nga tul-an paagi sa mga pin, plate, kag tornilyo. Pero mabudlay ini itakod sa magamay nga mga tul-an. Sang una, nabudlayan ang mga researcher nga maghimo sing kula nga nagamala sa basa nga bahin sang lawas sang tawo. Nakakuha sila sing ideya sang gintun-an nila ang lago nga sandcastle.

Binagbinaga: Ang lago nga sandcastle nagahimo sang iya daw tubo nga balay sa idalom sang tubig. Human ini sa balas kag shell nga gintapik niya paagi sa kula nga nagagua sa iya dughan. Ini nga kula mas maayo sangsa mga nahimo na sang tawo. May pinasahi ini nga mga protina nga kon samuon, madasig nga nagatig-a bisan may tubig. Ang lago nga sandcastle ginatawag nga eksperto nga mason kag husto gid ini. Si Russell Stewart, sang University of Utah, nagsiling nga ginsolbar sining gamay nga sapat ang “komplikado nga mga problema sa pagpatapik.”

Gin-ilog sang mga researcher ang kula sang lago nga sandcastle kag ginpabakod pa gid ini. Ini nga sahi sang kula nga gamiton sa pag-opera dapat matunaw kon mag-ayo ang nabuka nga tul-an. Daku gid ang mabulig sini kon ini nga kula puede na gamiton sa mga tawo.

Ano sa banta mo? Natabuan lang bala ang pinasahi nga kula sang lago nga sandcastle? Ukon gindesinyo ini?

[Retrato sa pahina 26]

Ang mga researcher nagalaum nga makay-o ang nabuka nga tul-an nga wala nagagamit sang metal

[Picture Credit Line sa pahina 26]

Sandcastle worm: © Peter J. Bryant, University of California, Irvine