Ang Biblia—Nahibaluan Mo Bala ang Mensahe Sini?

● Ang Biblia amo ang pinakamadamo nga napanagtag nga libro. Ang mensahe sini nakahatag sing lugpay, paglaum, kag praktikal nga mga laygay sa mga tawo ano man ang ila kultura. Pero, madamo ang halos wala sing ihibalo parte sa sini nga libro.

Ang makakulunyag nga sumaryo kag ang matahom nga mga laragway sa brosyur nga Ang Biblia—Ano ang Mensahe Sini? makabulig sa imo nga mahangpan ang Biblia. Ginapakita sang una nga duha ka seksion sini kon paano naghimo ang Dios sing paraiso kag kon paano ini nadula. Ginasugid man sini ang parte sa katuyuan sang Manunuga nga ibalik ang Paraiso paagi sa Ginharian sang Dios, ang gobierno sa langit nga pagagamhan ni Jesucristo.

Mabasa man sa masunod nga mga seksion ang parte sa pagministeryo, mga milagro, kamatayon, kag pagkabanhaw ni Jesus. Ginasaysay man sini ang parte sa mga maisugon nga mga sumulunod ni Jesus sang una kag ang ila mga ginsulat paagi sa panuytoy sang Dios, nga nangin bahin sang Biblia subong.

Ang ika-26 nga seksion sini nga brosyur may tema nga “Ang Duta Mangin Paraiso!” May matahom man nga mga laragway sa pahina 31, nga may tig-ulo nga “Ang Mensahe sang Biblia—Sumaryo.” Sumaryo ini sang pito ka hitabo kon paano gintuman sang Dios ang iya katuyuan sa tawo.

Makapangabay ka sing isa ka kopya sining 32-ka pahina nga brosyur paagi sa pagsulat sa kupon sa ubos kag ipadala ini sa nagakaigo nga adres nga nalista sa pahina 5 sini nga magasin.

□ Interesado ako nga makabaton sing kopya sang brosyur nga ginapakita diri.

□ Palihug kontaka ako para sa wala sing bayad nga pagtuon sa Biblia sa puluy-an.