Pahina Dos

Pagpadaku sa Kabataan nga Mangin Responsable

Mahimo nga wala ini ginahunahuna sang mga ginikanan samtang ginatan-aw nila ang ila bag-ong bun-ag nga lapsag. Pero, amo ini ang kamatuoran: Maabot gid ang tion nga ang bata magdaku kag magbulag sa ila. Amo gid sini ang matabo, kay ang Biblia nagsiling nga “bayaan sang lalaki ang iya amay kag ang iya iloy.” (Genesis 2:24) Siempre, maaplikar man ini sa mga babayi.

Nagakabalaka gid ang mga ginikanan kon magbulag na ang ila bata sa ila. Masubo gid ini pero makalilipay nga adlaw. Mahimo nga mamensar sila, ‘Husto ayhan ang amon pagpadaku sa amon bata?’ ‘Makapabilin ayhan sia sa iya obra, makabayad sang iya ilistaran, kag makahibalo magbadyet?’ Kag labaw sa tanan, ‘Sundon ayhan niya ang mga prinsipio nga gintudlo namon sa iya?’—Hulubaton 22:6; 2 Timoteo 3:15.

Binagbinagon sining pinasahi nga gua sang Magmata! kon paano makabulig sa mga ginikanan ang mga laygay sang Biblia sa pagpadaku sang ila bata.