“Simple Pero Mapuslanon”

● Amo sini ang komento sang isa ka bumalasa nga taga-Nebraska, U.S.A., parte sa libro nga bag-o lang niya nabasa. Sia nagsiling: “Singkuentay seis anyos ako kag isa ka soltero. Bag-o ko lang natapos basa ang libro nga Magtuon Gikan sa Daku nga Manunudlo. Nagdayaw dayon ako sa simple pero mapuslanon nga mga tinaga nga ginsulat ninyo sing mahigugmaon.” Nagsiling pa sia: “Ang mga ilustrasyon tama gid katahom. Siguro kon isa ako ka amay ukon lolo, tudluan ko ang akon kabataan ukon apo paagi sa mga piktyur kag sa mga nasulat diri.”

Ang isa ka babayi nga taga-Georgia, U.S.A., nagsulat parte sa sini man nga libro: “Gindala sang akon seis anyos nga hinablos nga babayi nga si Avery ini [nga libro] sa eskwelahan para istoryahan ang iya mga klasmeyt sa Grade 1. Pagkatapos niya mabasa ang isa ka istorya sa ila klase, nagdayaw gid ang ila maestra. Ginsilingan niya si Avery nga magbasa sing isa ka istorya sa sini nga libro kada adlaw.” Nagsiling pa ang iya tiya, “Maayo gid ini nga panaksi sa iya mga klasmeyt kag sa iya maestra!”

Makapangabay ka sing kopya sining 256 ka pahina nga libro, nga pareho kalapad sini nga magasin. Sulati lang ang kupon sa ubos kag ipadala ini sa nagakaigo nga adres nga nalista sa pahina 5 sini nga magasin.

□ Interesado ako nga makabaton sing kopya sang libro nga ginapakita diri.

□ Palihug kontaka ako para sa wala bayad nga pagtuon sa Biblia sa puluy-an.

[Retrato sa pahina 32]

Ngaa ang Samaritano amo ang maayo nga isigkatawo?