Gin-apresyar Nila ang Gugma sang Dios

● Gintudluan kita ni Jesus nga apresyahon ang gugma sang Dios. Nagsiling sia: “Ginhigugma gid sang Dios ang kalibutan amo nga ginhatag niya ang iya bugtong nga Anak [si Jesus], agod ang tagsatagsa nga nagatuo sa iya indi malaglag kundi makatigayon sang kabuhi nga walay katapusan.” (Juan 3:16) Ang gugma sang Dios sa aton kag ang makalilipay nga paglaum nga nangin posible paagi sa iya Anak ginpadaku sa libro nga Mangin Suod kay Jehova.

Ang isa ka babayi sa Florida, U.S.A., nagsulat: “Sang nabasa ko ang kapitulo 5, nagdayaw gid ako sa gugma, kaalam, kag gahom ni Jehova. Sang ginpamensaran ko gid sing maayo ang iya mga tinuga, mas ginhigugma ko pa gid sia.” Ang isa ka babayi sa South Dakota, U.S.A., nagsiling: “Sa sobra 30 ka tuig, nabudlayan gid ako magpakita sing gugma (ukon pamatyag ko wala sing may nagapalangga sa akon). Amo lang ini ang libro nga nakabulig sa akon.”

Ang 320 ka pahina nga libro nga Mangin Suod kay Jehova nagabinagbinag parte sa panguna nga mga kinaiya sang Dios, nga amo ang gahom, hustisya, kaalam, kag gugma. Makapangabay ka sing isa ka kopya sini paagi sa pagsulat sa kaupod nga kupon kag sa pagpadala sa nagakaigo nga adres nga nalista sa pahina 5 sini nga magasin.

□ Interesado ako nga makabaton sing kopya sang libro nga ginapakita diri.

□ Palihug kontaka ako para sa wala bayad nga pagtuon sa Biblia sa puluy-an.