Bag-o Lang Napatay ang Iya Lolo

● “Indi ako Saksi ni Jehova,” sulat sang isa ka lalaki sa sanga talatapan sang mga Saksi ni Jehova sa Mexico, “pero nanamian gid ako sa inyo mga magasin. Ang isa sa sini nagsambit parte sa brosyur nga Kon ang Isa nga Ginahigugma Mo Mapatay kag interesado ako sa sini. Tayming gid kay bag-o lang napatay si Lolo. Mangayo tani ako sing walo ka kopya para ihatag sa akon pamilya agod malugpayan sila.”

Mabasa sa brosyur nga Kon ang Isa nga Ginahigugma Mo Mapatay ang mga sabat sa mga pamangkot subong sang: Paano ko mabatas ang akon kalisod? Ano ang paglaum sang mga napatay? Ginapakita sini ang paathag sang Biblia kon ano ang kamatayon kag kon ano ang kahimtangan sang patay. Ginabinagbinag man sini ang promisa sang Dios paagi kay Jesucristo nga banhawon ang mga patay para mabuhi sa paraiso nga duta.

Makapangabay ka sing isa ka kopya sini paagi sa pagsulat sa kaupod nga kupon kag ipadala ini sa nagakaigo nga adres nga nalista sa pahina 5 sini nga magasin.

□ Interesado ako nga makabaton sang brosyur nga ginapakita diri.

□ Palihug kontaka ako para sa wala bayad nga pagtuon sa Biblia sa puluy-an.