San-o Mo Dapat Sugdan ang Pagtudlo sa Imo Bata?

● Ang isa ka lalaki sa Summerville, South Carolina, U.S.A., nagsulat nga sang tatlo ka bulan pa lang ang ginabusong sang iya asawa, ginatuparan niya ini kada gab-i kag ginabasahan sang libro nga Ang Akon Libro Sang mga Sugilanon sa Biblia. “Sang matawo ang amon bata nga babayi nga si Bethiah,” siling niya, “ginpadayon namon ini—isa ka istorya kada gab-i, asta nga tatlo ka beses na namon nabasa ini nga libro.”

Nagsiling pa gid sia: “Bisan sang indi pa gid tanto makahambal si Bethiah, kilala na niya ang mga karakter sa Biblia kag madramadrama na niya ang pila ka istorya sa libro. May nasaulo naman sia nga pila ka istorya.”

Ang 116 ka istorya sa sini nga libro may matahom nga mga piktyur, dalagku ang mga letra, kag ang mga istorya ginpasunod suno sa kon sin-o ang una nga nagkabuhi. Gani, mahatagan sing ideya ang nagabasa parte sa pagsundanay sang mga hitabo sa Biblia. Kon gusto mo nga makabaton sining 256 ka pahina nga libro, sulati lang ang kupon sa ubos kag ipadala ini sa nagakaigo nga adres nga nalista sa pahina 5 sini nga magasin.

□ Interesado ako nga makabaton sing kopya sang libro nga ginapakita diri.

□ Palihug kontaka ako para sa wala bayad nga pagtuon sa Biblia sa puluy-an.