Ang Nagligad nga mga Butang Indi na Magpabilin sa Tagipusuon

Ginasugid sang aton Manunuga kon ano ang himuon niya sa malapit nga palaabuton. Nagsiling sia:

“Tan-awa, nagatuga ako sing bag-o nga langit kag bag-o nga duta; kag ang nagligad nga mga butang indi na pagdumdumon, ukon magpabilin sa tagipusuon.”—ISAIAS 65:17, NW.

Ano “ang nagligad nga mga butang” nga indi na “magpabilin sa tagipusuon”? Ginapakita sang konteksto nga nalakip sa sini ang inhustisya, balatian, pag-antos, kag iban pa nga problema nga ginaatubang sang mga tawo. Paano ini tanan madula? Ang sabat amo ang gintagna nga “bag-o nga langit” kag “bag-o nga duta.”

[Retrato sa pahina 32]

Ining mga termino kag ang kahulugan sini ipaathag sa pamulongpulong nga “Ang Nagligad nga mga Butang Indi Na Magpabilin sa Tagipusuon.” Mabatian ini sa ‘Bantayi ang Imo Tagipusuon!’ nga Distrito nga Kombension sang mga Saksi ni Jehova. Nagsugod ini sang Mayo sa Estados Unidos kag padayon ini nga ginahiwat sa bilog nga kalibutan.

Ginaimbitar ka namon nga magtambong sa kombension nga malapit sa imo. Para sa mga detalye, palihug kontaka ang mga Saksi ni Jehova sa inyo lugar ukon magsulat sa manugbalhag sini nga magasin. Makita sa Web site nga www.pr418.com/hil ang listahan sang mga lugar sang kombension sa Pilipinas.