Nagapamati ang Dios. Ang Biblia nagapasalig sa aton nga “si Jehova malapit sa tanan nga nagapanawag sa iya, sa tanan nga nagapanawag sa iya sa kamatuoran. . . . Ginapamatian niya ang ila pagpangayo sing bulig.”—Salmo 145:18, 19.

Gusto sang Dios nga mangamuyo ka sa iya. Ang Biblia nagaagda sa aton: “Sa tanan nga butang paagi sa pangamuyo kag pag-ampo nga may pagpasalamat, ipahibalo sa Dios ang inyo mga pangabay.”—Filipos 4:6.

Ang Dios nagaulikid gid sa imo. Kabalo gid ang Dios sang aton mga kabalaka kag mga problema, kag gusto niya nga buligan kita. Ang Biblia nagasiling: ‘Itugyan ninyo sa iya ang tanan ninyo nga kabalaka, kay nagaulikid sia sa inyo.’—1 Pedro 5:7.