Ano ang Paglaum sang mga Patay?
Tanan kita naapektuhan sang kamatayon. Pero ang kamatayon bala ang katapusan sang tanan? Nalimtan na bala ang mga patay? May paglaum pa bala ang mga patay?
BINAGBINAGA ANG GINASILING SANG BIBLIA:
ANG MGA PATAY WALA NALIPATAN
“Ang tanan nga yara sa handumanan nga mga lulubngan . . . magagua.”—Juan 5:28, 29.
Nadumduman sang Dios ang mga patay; mabuhi liwat ang tanan nga ara sa iya memorya.
MAY PAGKABANHAW SA DUTA
“May pagkabanhaw sang mga matarong kag mga indi matarong.”—Binuhatan 24:15.
Binilyon ka tawo ang buhion liwat kag may paglaum nga mabuhi sing wala katapusan nga puno sing paghidait.
MAPATIHAN ANG PAGKABANHAW
“Ginaisip [sang Dios] ang kadamuon sang mga bituon; ginatawag niya sila tanan sa ngalan.”—Salmo 147:4.
Kon madumduman sang Dios ang ngalan sang tanan nga bituon, madumduman man niya ang mga tawo nga iya pagabanhawon.
