Ano ang Ginasiling sang Biblia?
Ginasabat bala sang Dios ang tanan nga pangamuyo?
MAKASILING KA BALA NGA GINASABAT NIYA ANG MGA PANGAMUYO SANG . . .
Tanan nga tawo
Pila lang ka tawo
Ukon wala gid
ANG GINASILING SANG BIBLIA
“Si Jehova malapit sa tanan . . . nga nagapanawag sa iya sa kamatuoran.”—Salmo 145:18.
ANO PA ANG MATUN-AN NATON SA BIBLIA?
Wala ginapamatian sang Dios ang mga pangamuyo sang mga nagarebelde sa iya. (Isaias 1:15) Pero, mahimo nila ‘tadlungon ang ila kaangtanan’ sa iya paagi sa pagbag-o sang ila mga dalanon.—Isaias 1:18.
Agod sabton sang Dios ang pangamuyo, dapat nahisuno ini sa iya mga ginapatuman nga makita sa Biblia.—1 Juan 5:14.
May eksakto gid bala kita nga posisyon kon nagapangamuyo?
ANG PILA KA TAWO NAGAPATI nga dapat sila magluhod, magduko, ukon magtakop sang ila mga kamot kon nagapangamuyo. Ano sa banta mo?
ANG GINASILING SANG BIBLIA
Ginpamatian sang Dios ang mga pangamuyo sang mga ‘nagapungko’ ukon ‘nagatindog’ ukon “nagahapa” ukon ‘nagaluhod.’ (1 Cronica 17:16; 2 Cronica 30:27; Esdras 10:1; Binuhatan 9:40) Wala sia nagapatuman sang espesipiko nga posisyon kon nagapangamuyo kita.
ANO PA ANG MATUN-AN NATON SA BIBLIA?
Ginapamatian sang Dios ang mga mapainubuson.—Salmo 138:6.
Makapangamuyo ka sa bisan ano nga lenguahe, ukon sing mahipos.—2 Cronica 6:32, 33; Nehemias 2:1-6.
Basi Manamian Ka Man
SABAT SA MGA PAMANGKOT SA BIBLIA
Buligan Bala Ako sang Dios Kon Magpangamuyo Ako?
Nagaulikid gid bala ang Dios sa aton mga problema?
ANG LALANTAWAN
Dapat Ka Bala Mangamuyo?
Masabat sang Dios ang mga pangamuyo bisan wala nagahimo sing mga milagro.
SABAT SA MGA PAMANGKOT SA BIBLIA
Ngaa Wala Ginapamatian sang Dios ang Iban nga Pangamuyo?
Hibalua kon ano nga pangamuyo ang wala ginasabat sang Dios kag kon sin-o ang wala niya ginapamatian.
