Isa ka adlaw, gintan-aw sang isa ka sister nga taga-New Zealand ang video nga Magpakita sing “Kabalaka sa Isa kag Isa.” Ginabinagbinag sa sini nga magluwas nga nagabatyag si Jehova sing kaluoy, ginapakita man niya ini. (Isa. 63:7-9) Gusto sang sister nga iaplikar ang iya natun-an paagi sa pagbulig sa iban. Sadto mismo nga adlaw samtang nagapanindahan sia, may nakilala sia nga isa ka imol nga babayi nga wala sing balay nga ginaistaran. Ginsilingan sia sang sister nga baklan niya sia sang pagkaon, kag nagpasugot sia. Pagbalik sang sister nga may dala nga pagkaon, ginpanaksihan niya ang babayi kag ginpakita niya ang tract nga Madula Pa Ayhan ang Pag-antos?

Naghibi ang babayi. Nagsiling sia nga ginpadaku sia nga isa ka Saksi, pero ginbiyaan niya ang kamatuoran madamo nga tinuig na ang nagligad. Sining karon lang, hanuot sia nga nagapangamuyo kay Jehova nga buligan sia nga makabalik sa iya. Ginhatagan sang sister ang babayi sang isa ka Biblia kag nagpasugot sia nga magpa-Bible study. a

Pareho kay Jehova, pakitaan man naton sing kaluoy ang mga tawo, lakip na ang aton mga paryente kag mga kauturan sa kongregasyon. Kag mapakita naton ang kaluoy sa mga tawo paagi sa pagpanaksi sa ila.