Ang isa ka mag-asawa nga nagabasa sang isa ka sugilanon sang kabuhi kada aga nagsiling: “Makapalig-on gid kag makalilipay ang pagbasa sa sini nga mga sugilanon. Ginapahanumdom kami sini nga masarangan man namon nga mangin matutom sa tanan nga sitwasyon.” Amo man sini ang nabatyagan sang isa ka sister. Nagsiling sia: “Makapalig-on kag makatalandog ang mga sugilanon sang kabuhi sang aton mga kauturan. Malipayon gid sila kag may direksion ang ila kabuhi. Napalig-on ako sang ila mga eksperiensia nga dugangan pa ang akon ginahimo sa pagbantala kag palig-unon ang akon kabataan nga mag-alagad kay Jehova bilang mga payunir.”

Mapalig-on ka sang mga sugilanon sang kabuhi nga dugangan pa ang imo mga ginahimo sa pag-alagad kay Jehova, pakigbatuan ang imo mga kaluyahon, kag mangin malipayon kag kalmado bisan pa may ginabatas ka nga mabudlay nga mga pagtilaw. Sa diin mo makita ini nga mga sugilanon?

• Tan-awa ang mga artikulo sa “Sugilanon sang Kabuhi sang mga Saksi ni Jehova” sa jw.org/hil ukon sa JW Library®.

• Pangitaa ang “Sugilanon sang Kabuhi sang mga Saksi ni Jehova” sa Watchtower ONLINE LIBRARY^™.