Nabudlayan ka bala nga dumdumon ang imo natun-an? Madamo nga tawo ang amo man sina ang ginabatyag. Pero, posible nga madamo sa mga gintudlo ni Jesus ang madumduman mo dayon bangod naggamit sia sang mga ilustrasyon. Maimadyin mo ang iya mga ginsiling, kag makabulig ini sa imo nga madumduman ang iya mga gintudlo. Sing kaanggid, kon imadyinon mo man ang imo ginabasa, mas mahapos para sa imo nga madumduman ini. Paano mo ini mahimo? Ang isa ka paagi amo ang pagdrowing sang imo natun-an.

Mas mahapos madumduman sang mga tawo ang ila bag-o nga natun-an kon ginadrowing nila ini. Nagabulig ini sa ila nga mas maintiendihan indi lang ang mga tinaga, kundi pati na ang panguna nga mga punto. Ang ila mga drowing indi naminami gid, kundi simple lang nga mga sketch. Kag may mga pamatuod nga nagapakita nga nakabulig gid sa mga tigulang ini nga paagi sang pagtuon.

Gani sa imo sunod nga pagtuon, testingi nga idrowing ang imo natun-an. Makabulig gid ini sa imo nga madumduman ang mga detalye parte sa imo natun-an.