Madamo nga kauturan ang nagagamit sang JW Library^® nga app para handaan ang mga miting. Nagapasalamat gid sila nga mahapos lang makita ang tulun-an nga mga artikulo paagi sa sini nga app. Pero may iban pa nga mga artikulo sa tulun-an nga edisyon sang Ang Lalantawan, kag mabasa man sa sini ang mga instruksion halin sa Pulong sang Dios. Paano mo makita ining iban pa nga mga artikulo kon nagagamit ka sang JW Library?

• Sa punta sang kada tulun-an nga artikulo sa Lalantawan, may ara subtitulo nga “Additional Reading.” Sa idalom sini nga subtitulo, i-click ukon pinduta ang “Other articles in this issue.” Magagua dayon ang kaundan. Makita mo diri ang tulun-an nga mga artikulo kag ang iban pa nga mga artikulo. Ang tulun-an nga mga artikulo may ara tig-ulo kag numero. Kon gusto mo basahon ang iban pa nga mga artikulo, i-click ukon pinduta ang tig-ulo sini.

• Sa JW Library, i-download ang kada isyu sang Ang Lalantawan kon makita mo ini sa seksion nga “What’s New.” Buksi ang gin-download mo nga magasin kag tan-awa ang kaundan sini para masigurado mo nga mabasa mo ang tanan nga artikulo.