Makita sa seksion nga “What’s New” sa JW Library^® nga app kag sa seksion nga “Ano ang Bag-o” sa jw.org/hil nga website ang pinakabag-o nga mga artikulo kag video. Ano ang himuon mo para makita mo ang pinakabag-o nga mga impormasyon sa sini nga seksion?

• Kon may bag-o nga artikulo sa isa ka article series, gina-update ini nga article series. Gani kon makita mo ang isa ka article series sa seksion nga “What’s New,” puede mo ini ma-download para makita mo ang bag-o nga artikulo. Kon buksan mo ini nga article series, napasunod ang mga artikulo suno sa petsa. Ang pinakauna sa listahan amo ang bag-o nga artikulo.

• Posible nga indi mo dayon matapos basa ang malaba nga mga publikasyon pareho sang mga magasin. Puede mo ini ibutang sa Favorites para madali mo ini makita kon gusto mo padayunon ang imo pagbasa. Kon matapos mo na ini basa, puede mo na ini kuhaon sa Favorites.

May pila ka impormasyon, pareho sang mga news report kag mga pahibalo, nga sa jw.org nga website lang makita. Indi ini makita sa JW Library. Tan-awa pirme ang seksion nga “Ano ang Bag-o” para makita mo ang bag-o nga mga artikulo.