Basaha ang Genesis 37:​23-28; 39:​17-23 kag hibalua kon ano ang matun-an mo parte sa pagbatas ni Jose sa inhustisya.

Tun-i sing maayo ang mga teksto antes kag pagkatapos sini. Ngaa indi maayo ang pagtratar sang iban kay Jose? (Gen. 37:​3-11; 39:​1, 6-10) Daw ano kadugay ginbatas ni Jose ang inhustisya? (Gen. 37:2; 41:46) Paano ginbuligan ni Jehova si Jose, pero ano ang wala ginhimo ni Jehova?​—Gen. 39:​2, 21; w23.01 17 ¶13.

Usisaa pa gid sing maayo ang hitabo. Bisan pa indi matuod ang gin-akusar sang asawa ni Potifar kay Jose, wala kita sing mabasa sa Biblia nga nagasiling nga ginpangapinan ni Jose ang iya kaugalingon. Ano ayhan ang posible nga rason ngaa naghipos lang si Jose? Ngaa indi kita dapat magpaabot nga mabal-an naton ang tanan nga detalye parte sa isa ka hitabo? Basaha ang masunod nga mga teksto nga makabulig sa aton nga masabat ini nga mga pamangkot. (Hulu. 20:2; Juan 21:25; Binu. 21:37) Ano nga mga kinaiya ang posible nakabulig kay Jose nga mabatas ang inhustisya?​—Miq. 7:7; Luc. 14:11; Sant. 1:​2, 3.

Hibalua kon ano ang matun-an mo. Pamangkuta ang imo kaugalingon:

• ‘Bilang disipulo ni Jesus, ano nga inhustisya ang posible maeksperiensiahan ko?’ (Luc. 21:​12, 16, 17; Heb. 10:​33, 34)

• ‘Ano ang puede ko himuon nga makabulig sa akon nga mabatas ang inhustisya?’ (Sal. 62:​7, 8; 105:​17-19; w19.07 2-7)