SI Jesus nagsiling: “Mas malipayon ang nagahatag sangsa nagabaton.” (Binu. 20:35) Matuod ini sa aton kaangtanan kay Jehova. Ngaa? Madamo sing ginhatag si Jehova nga nagapahalipay sa aton, pero mangin mas malipayon kita kon nagahatag kita kay Jehova. Ano ang mahatag naton kay Jehova? Ang Hulubaton 3:9 nagasiling: “Padunggi si Jehova paagi sa imo hamili nga mga butang.” Lakip sa aton “hamili nga mga butang” ang aton tion, ikasarang, kusog, kag materyal nga ginapanag-iyahan. Kon gamiton naton ini para sa matuod nga pagsimba, pareho lang nga nagahatag kita kay Jehova, kag makapahalipay gid ini sa aton.

Ano ang himuon naton para indi naton malipatan ang paghatag kay Jehova sang aton materyal nga ginapanag-iyahan? Ginsilingan ni apostol Pablo ang mga taga-Corinto nga “magpain” para sa ihatag nila nga amot. (1 Cor. 16:2) Gusto mo bala mabal-an ang mga paagi sang paghatag sing donasyon sa inyo lugar? Palihug tan-awa ang kahon sa idalom.

May pila ka pungsod nga indi posible ang paghatag sing donasyon paagi sa Internet. Pero may impormasyon parte sa iban pa nga paagi sang paghatag sing donasyon nga makita sa website. Sa iban nga pungsod, may impormasyon nga makita sa website nga nagasabat sa mga pamangkot sang kalabanan nga tawo parte sa donasyon.