Gusto mo bala nga madamo ka sing matun-an sa imo personal nga pagtuon? Testingi ini nga mga panugda para makapokus ka sa imo pagtuon:

• Magpili sang matawhay nga lugar. Kon posible, pilia ang lugar nga masanag kag nahimos sing maayo ang mga pagkabutang. Puede ka magtuon sa lamesa, ukon puede man sa matawhay nga lugar sa gua sang inyo balay.

• Magpili sang lugar nga puede ka mag-isahanon. Sa bahin ni Jesus, nangamuyo sia “sang kaagahon” sa ‘isa ka lugar nga puede sia mag-isahanon.’ (Mar. 1:35) Kon wala sang lugar nga puede ka mag-isahanon, pabal-a ang imo pamilya ukon ang mga kaupod mo sa balay parte sa imo iskedyul sang pagtuon kag pangabaya sila nga indi ka pag-isturbuhon.

• Panikasugi nga magpokus. Likawi ang mga butang nga makatublag sa imo. Kon nagagamit ka sang cell phone ukon tablet sa imo pagtuon, gamita ang setting nga airplane mode para indi ka madisturbo. Kag kon may nadumduman ka nga dapat mo himuon, isulat ini para indi ka malipat nga himuon ini pagkatapos mo tuon. Kon daw nabudlayan ka nga magpokus sa imo pagtuon, magpahuway anay sing makadali para maglakatlakat ukon mag-stretching.