TULUN-AN NGA ARTIKULO 39
Sin-o ang “Daku nga Kadam-an”?
“Ang daku nga kadam-an, nga wala sing tawo nga makaisip . . . , nagatindog sa atubangan sang trono kag sa atubangan sang Kordero.”—BUG. 7:9.
AMBAHANON 60 Nagakahulugan Ini sang Ila Kabuhi
ANG BINAGBINAGON SA SINI NGA ARTIKULO *
1. Ano ang kahimtangan ni apostol Juan sang katapusan sang unang siglo C.E.?
SANG katapusan sang unang siglo C.E., mabudlay gid ang kahimtangan ni apostol Juan. Tigulang na sia, gintapok sia sa isla sang Patmos, kag mahimo nga sia na lang ang buhi sa mga apostoles. (Bug. 1:9) Kabalo sia nga ginapatalang sang mga manugpamatok ang mga kongregasyon kag ginaguba nila ang paghiusa sang mga kauturan. Daw indi na magdugay kag wala na sing mabilin sa matuod nga mga Cristiano.—Jud. 4; Bug. 2:15, 20; 3:1, 17.
Nakita ni apostol Juan ang “daku nga kadam-an” nga nagasuksok sang puti kag malaba nga panapton kag may ginauyatan sila nga mga paklang sang palma (Tan-awa ang parapo 2)
2. Suno sa Bugna 7:9-14, ano nga makalilipay nga palanan-awon ang nakita ni Juan? (Tan-awa ang piktyur sa kober.)
2 Sa sining mabudlay nga kahimtangan, nakakita si Juan sang makalilipay nga palanan-awon. Nakita niya nga ginsilingan ang mga anghel nga punggan ang hangin sang dakung kapipit-an samtang indi pa matapos ang katapusan nga pagmarka sa grupo sang mga ulipon. (Bug. 7:1-3) Ini nga grupo amo ang 144,000 nga magagahom upod kay Jesus sa langit. (Luc. 12:32; Bug. 7:4) Dayon ginsambit ni Juan ang isa pa ka grupo nga tuman kadamo, kag nagsiling sia: “Sa tapos sini nakita ko ang daku nga kadam-an, nga wala sing tawo nga makaisip. Halin sila sa tanan nga pungsod kag tribo kag katawhan kag hambal, kag nagatindog sa atubangan sang trono kag sa atubangan sang Kordero.” (Basaha ang Bugna 7:9-14.) Mahimo nga nalipay gid si Juan sang mabal-an niya nga sa palaabuton madamo nga tawo ang magasimba sa Dios sa husto nga paagi!
3. (a) Ngaa dapat magpalig-on sang aton pagtuo ang palanan-awon ni Juan? (b) Ano ang matun-an naton sa sini nga artikulo?
3 Sigurado gid nga ini nga palanan-awon nagpalig-on sang pagtuo ni Juan. Dapat nga mas labi pa gid nga magpalig-on ini sang aton pagtuo, kay nagakabuhi kita sa tion sang katumanan sini nga palanan-awon! Nakita naton nga ginatipon ang minilyon nga may paglaum nga makalampuwas sa dakung kapipit-an kag magakabuhi
sing wala sing katapusan sa duta. Sa sini nga artikulo, matun-an naton kon paano ginbuligan ni Jehova ang iya katawhan sobra 80 ka tuig na ang nagligad para makilala nila kon sin-o ining daku nga kadam-an. Dayon binagbinagon naton ang duha ka butang parte sa sini nga kadam-an: (1) madamo gid ang miembro sini kag (2) halin sa bilog nga kalibutan ang mga miembro sini. Ini nga mga kamatuoran dapat magpalig-on sa pagtuo sang mga nagalaum nga mangin bahin sang sining ginpakamaayo nga grupo.DIIN MAISTAR ANG DAKU NGA KADAM-AN?
4. Ano nga kamatuoran sa Kasulatan ang wala mahangpan sang Cristiandad, kag ngaa tuhay ang mga Estudyante sang Biblia?
4 Ang Cristiandad wala nagatudlo sang kamatuoran sa Kasulatan nga maabot ang tion nga ang matinumanon nga mga katawhan magakabuhi sing wala sing katapusan sa duta. (2 Cor. 4:3, 4) Subong, ang kalabanan nga relihion sang Cristiandad nagatudlo nga ang tanan nga maayo nga tawo mapalangit kon mapatay sila. Pero, indi amo sini ang gintudlo sang gamay nga grupo sang mga Estudyante sang Biblia nga nagabalhag sang Watch Tower sugod sang 1879. Nahangpan nila nga himuon liwat sang Dios nga Paraiso ang duta kag minilyon ka matinumanon nga katawhan ang magaistar diri sa duta, indi sa langit. Pero, nagligad pa ang tion antes nila nahangpan sing maayo kon sin-o ining matinumanon nga katawhan.—Mat. 6:10.
5. Ano ang pagpati sang mga Estudyante sang Biblia parte sa 144,000?
5 Nahangpan man sang mga Estudyante sang Biblia sa ila pagtuon sa Kasulatan nga may isa ka grupo nga ‘baklon halin sa duta’ para maggahom upod kay Jesus sa langit. (Bug. 14:3) Ini nga grupo amo ang 144,000 ka makugi nga Cristiano nga nagdedikar sa Dios kag matutom nga nag-alagad sa iya samtang ari sila sa duta. Ano naman ang pagpati nila parte sa daku nga kadam-an?
6. Ano ang pagpati sang mga Estudyante sang Biblia parte sa daku nga kadam-an?
6 Sa palanan-awon ni Juan, nakita niya ang daku nga kadam-an nga “nagatindog sa atubangan sang trono kag sa atubangan sang Kordero.” (Bug. 7:9) Bangod sini, naghinakop ang mga Estudyante sang Biblia nga ang daku nga kadam-an mapalangit man pareho sang 144,000. Kon ang 144,000 kag ang daku nga kadam-an pareho nga magaistar sa langit, ano ang kinatuhayan nila? Ginhunahuna sang mga Estudyante sang Biblia nga ang daku nga kadam-an amo ang mga Cristiano nga indi bug-os nga matinumanon sa Dios sang ari sila sa duta. Bisan pa matinlo ang ila paagi sang pagkabuhi, mahimo nga ang iban sa ila miembro gihapon sang relihion sang Cristiandad. Ang mga Estudyante sang Biblia naghinakop nga ang daku nga kadam-an makugi sa ila pag-alagad pero kulang ang ila kakugi para malakip sila sa mga magagahom upod kay Jesus. Bangod ang ila gugma sa Dios indi mabakod, makaistar sila sa langit sa atubangan sang trono pero indi sila makapungko sa trono.
7. Suno sa mga Estudyante sang Biblia, sin-o ang magaistar sa duta sa tion sang Paggahom sang Cristo, kag ano ang ginapatihan nila parte sa matutom nga mga alagad sang Dios sang una?
7 Pero, sin-o ang magaistar sa duta? Ang mga Estudyante sang Biblia nagapati nga pagkatapos matipon sa langit ang 144,000 kag ang daku nga kadam-an, minilyon nga iban pa ang paistaron sa duta kag mabaton nila ang mga pagpakamaayo sang Isa ka Libo ka Tuig nga Paggahom sang Cristo. Suno sa mga Estudyante sang Biblia, ining minilyon ka katawhan wala pa nagaalagad kay Jehova antes magsugod ang Paggahom sang Cristo. Sa baylo, nagapati sila nga ini nga grupo amo ang mga tawo nga pagatudluan parte kay Jehova sa tion sang Paggahom sang Cristo. Pagkatapos sini, ang mga magatuman sa mga talaksan ni Jehova pagapadyaan sang wala sing katapusan nga kabuhi sa duta, pero ang mga magarebelde pagalaglagon. Nagapati man ang mga Sal. 45:16.
Estudyante sang Biblia nga ang pila nga magaalagad bilang “mga prinsipe” sa duta sa tion sang Paggahom sang Cristo pagapadyaan sang kabuhi sa langit pagkatapos sang Isa ka Libo ka Tuig nga Paggahom sang Cristo. Nagapati sila nga nalakip sa sini nga “mga prinsipe” ang matutom nga mga alagad sang Dios sang una nga pagabanhawon sa tion sang Paggahom sang Cristo. Ining matutom nga mga alagad una nga napatay sangsa Cristo.—8. Ano ang tatlo ka grupo nga ginapatihan sadto nga makabaton sang pagpakamaayo sang Dios?
8 Gani, ang mga Estudyante sang Biblia nagapati sadto nga may tatlo ka grupo: (1) ang 144,000, nga magagahom upod kay Jesus sa langit; (2) ang daku nga kadam-an sang indi masyado makugi nga mga Cristiano, nga magatindog sa atubangan sang trono kag sang Kordero sa langit; kag (3) ang minilyon ka katawhan diri sa duta nga pagatudluan parte kay Jehova sa tion sang Isa ka Libo ka Tuig nga Paggahom sang Cristo. * Pero sang ulihi, sa bulig ni Jehova, nagsanag ang kamatuoran parte sa sini.—Hulu. 4:18.
NAGSANAG ANG KAPAWA SANG KAMATUORAN
Sa isa ka kombension sang 1935, madamo nga may paglaum nga mabuhi sa duta ang ginbawtismuhan (Tan-awa ang parapo 9)
9. (a) Sa ano nga paagi ang daku nga kadam-an diri sa duta makatindog “sa atubangan sang trono kag sa atubangan sang Kordero”? (b) Ngaa husto ining bag-o nga paghangop sa Bugna 7:9?
9 Sang 1935, nangin maathag kon sin-o gid ang daku nga kadam-an sa palanan-awon ni Juan. Nahangpan sang mga Saksi ni Jehova nga indi kinahanglan nga ang daku nga kadam-an ara gid sa langit para makatindog sila “sa atubangan sang trono kag sa atubangan sang Kordero.” Sa baylo, may ginalaragway ini. Bisan pa magaistar sila sa duta, makatindog sila “sa atubangan sang trono” paagi sa pagkilala sa awtoridad ni Jehova kag pagpasakop sa iya pagkasoberano. (Isa. 66:1) Makatindog sila “sa atubangan sang Kordero” paagi sa pagpakita sing pagtuo sa halad-gawad ni Jesus. May teksto pa sa Biblia nga makabulig sa aton nga mahangpan nga may malaragwayon nga kahulugan ang Bugna 7:9. Suno sa Mateo 25:31, 32, “ang tanan nga pungsod,” lakip ang mga malauton, ‘tipunon sa atubangan’ sang mahimayaon nga trono ni Jesus. Maathag nga ining tanan nga pungsod wala sa langit, kundi ari sa duta. Husto gid ining bag-o nga paghangop. Kay man, nangin maathag kon ngaa wala ginsambit sa Biblia nga ang daku nga kadam-an dalhon sa langit. Isa lang ka grupo ang ginpromisahan sang wala sing katapusan nga kabuhi sa langit, nga amo ang 144,000, nga ‘magagahom sa duta subong mga hari’ upod kay Jesus.—Bug. 5:10.
10. Ngaa dapat matudluan ang daku nga kadam-an parte kay Jehova kag magsimba sa iya antes sang Paggahom sang Cristo?
10 Gani sugod sang 1935, nahangpan sang mga Saksi ni Jehova nga ang daku nga kadam-an sa palanan-awon ni Juan amo ang grupo sang matutom nga mga Cristiano nga may paglaum nga mabuhi sing wala sing katapusan sa duta. Para makalampuwas sila sa dakung kapipit-an, dapat sila tudluan parte kay Jehova kag magsimba sa iya antes magsugod ang Paggahom sang Cristo. Dapat sila magpakita sing malig-on nga pagtuo para “magmadinalag-on [sila] sa pagpalagyo sa sining tanan nga butang nga mahanabo” antes sang Isa ka Libo ka Tuig nga Paggahom sang Cristo.—Luc. 21:34-36.
11. Ngaa ang pila ka Estudyante sang Biblia mahimo naghunahuna nga may pila nga dalhon sa langit pagkatapos sang Paggahom sang Cristo?
11 Kamusta naman ang pagpati nga ang pila ka matutom sa duta dalhon sa langit pagkatapos sang Paggahom sang Cristo? Ini nga posibilidad nga mabasa sa Pebrero 15, 1913, nga The Watch Tower, ginbase sa sini nga pagpangatarungan: ‘Kon ang mga Cristiano nga indi masyado matutom pagapadyaan sing kabuhi sa langit, makatarunganon bala nga sa duta lang paistaron ang matutom nga mga alagad sang Dios sang una?’ Ini nga pagpangatarungan nabase sa duha ka sala nga
pagpati: (1) ang daku nga kadam-an magaistar sa langit kag (2) ang daku nga kadam-an amo ang indi masyado matutom nga mga Cristiano.12-13. Ano ang nabal-an sang mga hinaplas kag sang daku nga kadam-an parte sa ila padya?
12 Pero natun-an naton nga sugod sang 1935, nahangpan sing maayo sang mga Saksi ni Jehova nga ang makalampuwas sa Armageddon amo ang daku nga kadam-an sa palanan-awon ni Juan. ‘Magagua sila halin sa dakung kapipit-an’ diri sa duta, kag “padayon sila nga [magasinggit] sing mabaskog: ‘Ang kaluwasan utang namon sa amon Dios, nga nagapungko sa trono, kag sa Kordero.’” (Bug. 7:10, 14) Dugang pa, ang Kasulatan nagatudlo nga “mas maayo” ang mabaton sang mga pagabanhawon sa langit sangsa mabaton sang matutom nga mga alagad sang Dios sang una. (Heb. 11:40) Bangod sini, ang aton mga kauturan mapisan nga nagpangagda sa katawhan nga alagaron si Jehova para may paglaum sila nga magkabuhi sing wala sing katapusan sa duta.
13 Nalipay gid ang daku nga kadam-an sa ila paglaum. Nahangpan nila nga si Jehova ang nagadesisyon kon sa langit ukon sa duta ang paglaum sang iya matutom nga mga alagad. Kabalo ang mga hinaplas kag ang daku nga kadam-an nga nangin posible lang ang ila padya bangod sang wala tupong nga kaayo ni Jehova nga ginpakita niya paagi sa halad-gawad ni Jesucristo.—Roma 3:24.
MADAMO GID ANG MIEMBRO SANG DAKU NGA KADAM-AN
14. Pagkatapos sang 1935, ngaa madamo ang nagpalibog kon paano matuman ang tagna parte sa daku nga kadam-an?
14 Sang nahangpan na sang katawhan ni Jehova ang parte sa daku nga kadam-an sang 1935, madamo gihapon ang nagpalibog kon paano magadamo ang mga may paglaum nga mabuhi sa duta. Halimbawa, 12 anyos si Ronald Parkin sang ginpaathag kon sin-o gid ang daku nga kadam-an. “Sadto nga tion,” siling niya, “mga 56,000 ang manugbantala sa bilog nga kalibutan, kag mahimo nga hinaplas ang kalabanan sa ila. Gani diutay lang ang daku nga kadam-an.”
15. Paano nag-uswag ang pagtipon sa daku nga kadam-an?
15 Pero, sa masunod nga mga dekada, ginpadala ang mga misyonero sa madamo nga pungsod, kag padayon nga nagdamo ang mga Saksi ni Jehova. Dayon, sang 1968, gingamit sa pagtuon sa Biblia ang libro nga Ang Kamatuoran nga Nagadul-ong sa Kabuhi nga Dayon. Bangod sang simple nga paathag sini parte sa mga kamatuoran sa Biblia, mas nagdamo na gid ang interesado magtuon. Sa sulod sang apat ka tuig, sobra tunga sa milyon ka bag-o nga disipulo ang nagpabawtismo. Bangod nagluya ang impluwensia sang Iglesia Katolika sa Latin America kag sa iban nga pungsod, kag bangod wala na gindumilian ang aton hilikuton sa Eastern Europe kag sa mga lugar nga sakop Isa. 60:22) Sa sining nagligad nga mga tinuig, ang organisasyon ni Jehova nakahimo sing madamo nga epektibo nga mga gamit para buligan ang mga tawo nga matun-an ang ginatudlo sang Biblia. Maathag nga natipon na ang daku nga kadam-an nga sobra na walo ka milyon subong.
sang Africa, minilyon ang nagpabawtismo. (ANG DAKU NGA KADAM-AN SARISARI ANG GINHALINAN
16. Diin magahalin ang daku nga kadam-an?
16 Sang ginasulat ni Juan ang iya palanan-awon, nagsiling sia nga ang daku nga kadam-an magahalin sa “tanan nga pungsod kag tribo kag katawhan kag hambal.” Antes sini, si manalagna Zacarias may gintagna nga pareho sa sini. Nagsulat sia: “Sa sina nga tion napulo ka tawo halin sa tanan nga lenguahe sang mga pungsod ang magauyat sa bayo sang isa ka Judiyo kag magasiling: ‘Luyag namon nga mag-upod sa inyo, kay nabatian namon nga kaupod ninyo ang Dios.’”—Zac. 8:23.
17. Ano ang ginahimo subong para buligan ang mga tawo halin sa tanan nga pungsod kag hambal?
17 Narealisar sang mga Saksi ni Jehova nga para matipon ang mga tawo halin sa tanan nga lenguahe, dapat ibantala ang maayong balita sa madamo nga lenguahe. Sobra na 130 ka tuig nga naga-translate kita sang mga publikasyon nga base sa Biblia. Subong, naga-translate na kita sa ginatos ka lenguahe nga amo ang pinakamadamo Mat. 24:14; Juan 13:35.
sa kasaysayan sang katawhan. Maathag nga nagahimo si Jehova sing milagro sa aton tion subong, nga amo ang pagtipon sang daku nga kadam-an halin sa tanan nga pungsod. Nagapasalamat gid kita kay ang espirituwal nga pagkaon matigayon sa madamo nga lenguahe, gani ining grupo nga sarisari ang ginhalinan nahiusa sa ila pagsimba. Kag ang mga Saksi kilala sa ila kapisan sa pagbantala kag sa ila utudnon nga gugma. Makapalig-on gid ini!—PAANO KITA NADALAHIG SA PALANAN-AWON?
18. (a) Suno sa Isaias 46:10, 11, ngaa wala kita natingala nga gintuman ni Jehova ang iya promisa parte sa daku nga kadam-an? (b) Ngaa ang mga may paglaum nga mabuhi sa duta wala nagabatyag nga may gindingot sa ila?
18 May rason gid kita nga malipay sa katumanan sang tagna parte sa daku nga kadam-an! Wala kita natingala nga gintuman ni Jehova ini nga tagna sa dalayawon gid nga paagi. (Basaha ang Isaias 46:10, 11.) Nagapasalamat gid ang daku nga kadam-an kay Jehova sa paglaum nga ginhatag sa ila. Wala sila nagabatyag nga may gindingot sa ila bangod wala sila ginhaplasan sang balaan nga espiritu sang Dios para mag-alagad upod kay Jesus sa langit. Sa Kasulatan, madamo kita sing mabasa parte sa matutom nga mga lalaki kag mga babayi nga gintuytuyan sang balaan nga espiritu; pero indi sila bahin sang 144,000. Ang isa amo si Juan nga Manugbawtismo. (Mat. 11:11) Ang isa pa amo si David. (Binu. 2:34) Ini sila pati ang indi maisip nga iban pa pagabanhawon para magkabuhi sa paraiso sa duta. Tanan sila, upod ang daku nga kadam-an, may kahigayunan nga ipakita ang ila katutom kay Jehova kag sa iya pagkasoberano.
19. Paano ang katumanan sang palanan-awon ni Juan parte sa daku nga kadam-an nagapakita nga hilingagawon na gid ang aton tion subong?
19 Subong pa lang natabo nga ginahiusa sang Dios ang minilyon ka katawhan halin sa tanan nga pungsod. Sa langit man ukon sa duta ang aton paglaum nga mabuhi sing wala sing katapusan, dapat manikasog gid kita nga buligan ang madamo nga katawhan para mangin bahin sila sang daku nga kadam-an sang “iban nga mga karnero.” (Juan 10:16) Sa indi madugay, pahanabuon na ni Jehova ang dakung kapipit-an nga magalaglag sa mga gobierno kag mga relihion nga nagpaantos sa katawhan. Tumalagsahon gid ang pribilehiyo sang tanan nga miembro sang daku nga kadam-an bangod may paglaum sila nga alagaron si Jehova diri sa duta sing wala sing katapusan!—Bug. 7:14.
AMBAHANON 139 Handurawa nga Bag-o Na ang Tanan