TULUN-AN NGA ARTIKULO 35
Ginapabaloran ni Jehova ang Iya Mapainubuson nga mga Alagad
“Makita [ni Jehova] ang mapainubuson.”—SAL. 138:6.
AMBAHANON 48 Adlaw-adlaw nga Maglakat Upod kay Jehova
ANG BINAGBINAGON SA SINI NGA ARTIKULO *
1. Ano ang ginabatyag ni Jehova sa mga mapainubuson? Ipaathag.
PALANGGA ni Jehova ang mga mapainubuson. Ang mga matuod gid nga mapainubuson amo lang ang puede mangin suod sa iya. Kay man, “wala sia nagapakig-abyan sa matinaastaason.” (Sal. 138:6) Gusto naton tanan nga malipay sa aton si Jehova kag mangin suod kita sa iya, gani dapat naton panikasugan nga mangin mapainubuson.
2. Ano ang binagbinagon naton sa sini nga artikulo?
2 Sa sini nga artikulo, binagbinagon naton ang sabat sa tatlo ka pamangkot: (1) Paano ginatamod sang mapainubuson nga tawo ang iya kaugalingon? (2) Ngaa dapat kita mangin mapainubuson? (3) Ano nga mga sitwasyon ang mahimo magtilaw sang aton pagkamapainubuson? Matun-an naton nga kon panikasugan naton nga mangin mapainubuson, malipay sa aton si Jehova kag para ini sa aton kaayuhan.—Hulu. 27:11; Isa. 48:17.
ANG PAGTAMOD SANG MAPAINUBUSON NGA TAWO SA IYA KAUGALINGON
3. Paano ginatamod sang mapainubuson nga tawo ang iya kaugalingon?
3 Ang mapainubuson nga tawo wala nagahunahuna nga mas importante sia sangsa iban. Indi sia bugalon. Ginapakita sang Biblia nga ang mapainubuson nga tawo may nagakaigo nga pagtamod sa iya kaangtanan kay Jehova nga Dios kag sa iya isigkatawo. Ginabaton sang mapainubuson nga tawo nga ang iban mas labaw sangsa iya.—Fil. 2:3, 4.
4-5. Ngaa indi naton masiling nga matuod gid nga mapainubuson ang isa ka tawo base lang sa aton makita?
4 May mga tawo nga daw mapainubuson kon tan-awon. Mahimo nga mahuluy-on sila ukon hipuson. Ukon mahimo nga matinahuron Luc. 6:45.
sila kag mabuot bangod amo ini ang gintudlo sa ila sang ila mga ginikanan. Pero mahimo nga grabe gali sila ka bugalon. Sa ulihi, makita gid ang ila matuod nga batasan.—5 Sa pihak nga bahin, may mga tawo nga prangka kag may kompiansa sa ila kaugalingon, pero wala ini nagapahangop nga bugalon sila. (Juan 1:46, 47) Ang mga tawo nga may kompiansa sa ila kaugalingon dapat maghalong para indi sila magsalig sa ila ikasarang. Mahuluy-on man kita ukon indi, dapat naton tanan panikasugan nga mangin mapainubuson.
Mapainubuson si apostol Pablo kag wala sia naghunahuna nga mas importante sia sangsa iban (Tan-awa ang parapo 6) *
6. Base sa 1 Corinto 15:10, ano ang matun-an naton sa halimbawa ni apostol Pablo?
6 Binagbinaga ang halimbawa ni apostol Pablo. Sia ang gingamit ni Jehova para magtukod sing bag-o nga mga kongregasyon sa madamo nga siudad. Posible nga mas madamo ang iya nahimo sa ministeryo sangsa mga apostoles ni Jesucristo. Pero, wala naghunahuna si Pablo nga mas maayo sia sangsa iya mga kauturan. Mapainubuson sia nga nagsiling: “Ako ang labing kubos sa mga apostoles, kag indi ako takus tawgon nga apostol, bangod ginhingabot ko ang kongregasyon sang Dios.” (1 Cor. 15:9) Dayon, nagsiling si Pablo nga ang wala tupong nga kaayo sang Dios amo ang rason kon ngaa may maayo sia nga kaangtanan kay Jehova, indi ang iya mga kinaiya ukon mga nahimo. (Basaha ang 1 Corinto 15:10.) Maayo gid nga halimbawa si Pablo sang pagkamapainubuson. Sa iya sulat sa mga taga-Corinto, wala sia nagpabugal bisan pa nga ang iban nga kauturan didto nagsiling nga mas maayo sila sangsa iya.—2 Cor. 10:10.
Si Karl F. Klein isa ka mapainubuson nga utod nga nag-alagad bilang miembro sang Nagadumala nga Hubon (Tan-awa ang parapo 7)
7. Paano nagpakita sang pagkamapainubuson ang isa ka kilala nga utod sa aton tion subong?
7 Madamo sa katawhan ni Jehova ang napalig-on sa sugilanon sang kabuhi ni Brother Karl F. Klein, nga nag-alagad bilang miembro sang Nagadumala nga Hubon. Sa iya sugilanon sang kabuhi, mapainubuson nga ginsaysay ni Brother Klein ang iya mga kaluyahon *
kag ang mga kabudlayan nga iya naeksperiensiahan. Halimbawa, sang 1922, nagpakigbahin sia sa pamalaybalay nga hilikuton sa una nga tion. Nabudlayan gid sia sa sini amo nga wala sia liwat nagpamalaybalay sa sulod sang mga duha ka tuig. Sang ulihi, sang nagaalagad sia sa Bethel, naglain ang iya buot sa utod nga naglaygay sa iya. Nakaagi man sia atake sang nerbios, pero nag-ayo sia. Madamo man sing dalayawon nga pribilehiyo si Brother Klein. Mapainubuson gid ining kilala nga utod kay ginsaysay niya bisan ang iya mga kaluyahon. Madamo nga kauturan ang nalipay gid kon madumduman nila si Brother Klein kag ang iya tampad kag makatalandog nga sugilanon sang kabuhi.NGAA DAPAT KITA MANGIN MAPAINUBUSON?
8. Base sa 1 Pedro 5:6, ngaa masiling naton nga nalipay si Jehova sa mga mapainubuson?
8 Ang pinakaimportante nga rason kon ngaa dapat kita mangin mapainubuson amo nga nalipay sa sini si Jehova. Maathag ini sa ginsiling ni apostol Pedro. (Basaha ang 1 Pedro 5:6.) Parte sa ginsiling ni Pedro, ang libro nga “Kari Ka Mangin Sumulunod Ko” nagkomento: “Ang pagkamatinaastaason daw hilo. Mahimo nga mahalitan kita. Isa ini ka kinaiya nga bisan pa maabilidad ang isa ka tawo, mahimo nga mangin walay pulos sia sa itululok sang Dios. Sa pihak nga bahin, ang isa ka daw waaywaay gid nga tawo mahimo nga mangin tuman ka mapuslanon sa itululok sang Dios bangod sang iya pagkamapainubuson. . . . Malipay [ang Dios] nga padyaan ang imo pagkamapainubuson.” * Gani, may mas maayo pa bala nga himuon sangsa pasadyahon ang tagipusuon ni Jehova?—Hulu. 23:15.
9. Ngaa mas gusto sang mga tawo nga magsuod sa aton kon mapainubuson kita?
9 Magluwas nga nalipay si Jehova sa mga mapainubuson, madamo man sing kaayuhan kon panikasugan naton nga ipakita ini nga kinaiya. Mas gusto sang mga tawo nga magsuod sa mga mapainubuson. Ngaa? Hunahunaa kon ano nga klase sang mga tawo ang malipay ka kon kaupod mo sila. (Mat. 7:12) Indi naton gusto makaupod ang mga tawo nga pirme lang nagainsister sang ila luyag kag wala nagabaton sang mga panugda sang iban. Pero nalipay kita mag-upod sa aton mga kauturan nga nagapakita sang “simpatiya, utudnon nga pagpalangga, kaluoy, kag pagkamapainubuson.” (1 Ped. 3:8) Kon nalipay kita kon upod naton ang mga mapainubuson, amo man sini ang mabatyagan sang iban kon upod nila kita basta mapainubuson kita.
10. Paano ang pagkamapainubuson makabulig sa aton nga mabatas ang mga problema?
10 Ang pagkamapainubuson makabulig man sa Man. 10:7) Kon kaisa, ang mga tawo nga madamo sang ikasarang wala ginapadunggan. Kag kon kaisa, ang mga tawo nga diutay sang ikasarang amo ang mas ginapadunggan. Pero nagsiling si Solomon nga mas maayo nga batunon nga bahin na sang aton kabuhi ang malain nga mga nagakatabo imbes nga maglain ang aton buot sa sini. (Man. 6:9) Kon mapainubuson kita, mas mahapos sa aton nga batunon ang indi maayo nga mga nagakatabo sa aton kabuhi.
aton nga mabatas ang mga problema. Kon kaisa, makakita kita ukon makaeksperiensia sang mga hitabo nga daw indi husto ukon indi makatarunganon. Ang maalam nga si Hari Solomon nagsiling: “May nakita ako nga mga alagad nga nagasakay sa kabayo apang ang mga prinsipe nagalakat kaangay sang mga alagad.” (MGA SITWASYON NGA MAHIMO MAGTILAW SANG ATON PAGKAMAPAINUBUSON
Paano mahimo matilawan ang aton pagkamapainubuson sa sini nga sitwasyon? (Tan-awa ang parapo 11-12) *
11. Kon ginalaygayan kita, ano dapat ang mangin reaksion naton?
11 Kada adlaw, madamo kita sing kahigayunan nga mapakita ang pagkamapainubuson. Binagbinaga ining pila ka sitwasyon. Kon ginalaygayan kita. Dapat naton dumdumon nga kon may isa nga nagpanikasog para tadlungon kita, posible nga ang nahimo naton nga sala mas mabug-at sangsa ginahunahuna naton. Sa sini nga mga sitwasyon, mahimo nga ang una naton nga reaksion amo ang pagbalewala sang laygay. Mahimo nga pakalainon naton ang naghatag sang laygay ukon ang iya paagi sang paglaygay. Pero kon mapainubuson kita, panikasugan naton nga ipakita ang husto nga panimuot.
12. Suno sa Hulubaton 27:5, 6, ngaa dapat kita magpasalamat kon may isa nga maglaygay sa aton? Maghatag sing ilustrasyon.
12 Ang mapainubuson nga tawo nagapasalamat kon ginalaygayan sia. Binagbinaga ini nga ilustrasyon. Imadyina nga nagtambong ka sa Cristianong miting. Pagkatapos mo maistorya ang pila ka kauturan, gindala ka sang isa sa ila sa higad kag ginhutikan nga may pagkaon nga nagatapik sa imo ngipon. Sigurado gid nga mahuya ka. Pero indi bala nga pasalamatan mo sia kay ginsilingan ka niya? Ang matuod, mahimo maghunahuna ka nga kuntani kaina ka pa ginsilingan parte sa sini! Sing kaanggid, dapat kita magpaubos kag magpasalamat kon ang aton utod maisog nga naglaygay sa aton sa tion nga kinahanglan gid naton ini. Tamdon naton sia nga aton abyan, indi aton kaaway.—Basaha ang Hulubaton 27:5, 6; Gal. 4:16.
Ngaa kinahanglan ang pagkamapainubuson kon ang iban makabaton sang mga pribilehiyo sa pag-alagad? (Tan-awa ang parapo 13-14) *
13. Paano naton mapakita ang pagkamapainubuson kon ang iban makabaton sang mga pribilehiyo sa pag-alagad?
13 Kon ang iban makabaton sang mga pribilehiyo sa pag-alagad. “Kon ang iban nga utod ginhatagan sang pribilehiyo, nagahunahuna ako kon kaisa kon ngaa indi ako ang ginhatagan 1 Tim. 3:1) Pero, dapat kita maghalong sa aton ginahunahuna. Kon indi kita maghalong, mahimo nga mangin bugalon kita. Halimbawa, ang isa ka utod mahimo maghunahuna nga sia ang pinakamaayo nga hatagan sang isa ka asaynment. Ukon ang asawa sang isa ka utod mahimo maghunahuna, ‘Mas kalipikado ang akon bana sangsa utod nga ginhatagan sang asaynment!’ Pero, kon mapainubuson gid kita, indi naton ini paghunahunaon.
sini,” siling sang gulang nga si Jason. Amo man bala sini ang imo ginahunahuna kon kaisa? Indi sala nga ‘magtinguha’ para sa dugang nga mga pribilehiyo sa pag-alagad. (14. Ano ang matun-an naton sa reaksion ni Moises sang nakabaton sang mga pribilehiyo ang iban?
14 Makatuon kita sa reaksion ni Moises sang nakabaton sang mga pribilehiyo ang iban. Ginpabaloran gid ni Moises ang iya asaynment nga pangunahan ang pungsod sang Israel. Pero sang ginhatagan ni Jehova ang iban sang ikasarang nga himuon ang pila ka hilikuton ni Moises, ano ang iya reaksion? Wala sia nahisa. (Num. 11:24-29) Gintangdo man sia bilang hukom, pero mapainubuson sia kag gintugutan niya nga buligan sia sang iban sa paghukom sa katawhan. (Ex. 18:13-24) Bangod sini, indi na kinahanglan maghulat sing madugay sang mga Israelinhon kay madamo na ang puede magdesisyon sa ila mga kaso. Ginapakita sini nga mas importante kay Moises ang kaayuhan sang iban sangsa iya mga pribilehiyo. Maayo gid sia nga halimbawa para sa aton! Tandaan naton nga para mangin mapuslanon gid kita kay Jehova, dapat mas labaw ang aton pagkamapainubuson sangsa aton ikasarang. “Bisan si Jehova mataas, makita niya ang mapainubuson.”—Sal. 138:6.
15. Paano nagbag-o ang kahimtangan sang madamo nga kauturan?
15 Kon nagbag-o ang aton kahimtangan. Sining nagligad nga mga tinuig, madamo nga kauturan nga madugay na nga nagaalagad kay Jehova ang nakabaton sang bag-o nga asaynment. Halimbawa, sang 2014, ang mga manugtatap sang distrito kag ang ila mga asawa ginhatagan sang bag-o
nga asaynment. Umpisa man sadto nga tuig, ang mga manugtatap sang sirkito indi na makapadayon sa ila asaynment kon 70 anyos na sila. Kag ang mga utod nga 80 anyos na ukon mas tigulang pa indi na makaalagad bilang koordenitor sang hubon sang mga gulang. Sang nagligad nga mga tinuig, madamo man nga Bethelite ang gin-asayn bilang mga payunir. Ang iban kinahanglan mag-untat sa ila pinasahi nga bug-os tion nga pag-alagad bangod sang problema sa panglawas, obligasyon sa pamilya, ukon iban pa nga rason.16. Paano ginpakita sang aton mga kauturan ang pagkamapainubuson sang nagbag-o ang ila kahimtangan?
16 Para sa sini nga mga kauturan, indi mahapos ang pag-adjust sa sini nga mga pagbag-o. Gusto gid nila ang ila una nga asaynment. Madamo sa ila ang nagpabalor gid sa ila una nga asaynment nga tinuig nila nga ginhimo. Ang iban nasubuan gid samtang naga-adjust sila sa ila bag-o nga kahimtangan. Pero natun-an nila nga maka-adjust. Ano ang nakabulig sa ila? Ang panguna gid nga nakabulig sa ila amo ang ila gugma kay Jehova. Kabalo sila nga nagdedikar sila sa Dios, indi sa hilikuton, pribilehiyo, ukon asaynment. (Col. 3:23) Nalipay sila nga padayon nga mag-alagad kay Jehova kag mapainubuson nila nga ginabaton ang bisan ano nga asaynment. ‘Gintugyan nila sa iya ang tanan nila nga kabalaka,’ bangod kabalo sila nga nagaulikid sia sa ila.—1 Ped. 5:6, 7.
17. Ngaa nagapasalamat kita nga ginapalig-on kita sang Pulong sang Dios nga mangin mapainubuson?
17 Nagapasalamat gid kita kay ginapalig-on kita sang Pulong sang Dios nga mangin mapainubuson. Kon panikasugan naton nga ipakita ining dalayawon nga kinaiya, magaresulta ini sing kaayuhan sa aton kag sa iban. Mabuligan kita sini nga mabatas ang mga problema. Labaw sa tanan, magasuod pa gid kita sa aton Amay sa langit. Nalipay gid kita nga mabal-an nga bisan pa si Jehova ang “Labing Mataas,” palangga niya kag ginapabaloran ang iya mapainubuson nga mga alagad!—Isa. 57:15.
AMBAHANON 45 Ang Ginapamalandungan sang Akon Tagipusuon
^ par. 5 Importante gid nga mangin mapainubuson kita. Paano ginatamod sang mapainubuson nga tawo ang iya kaugalingon? Ngaa dapat kita mangin mapainubuson? Kag paano matilawan ang aton pagkamapainubuson kon nagbag-o ang aton kahimtangan? Binagbinagon sa sini nga artikulo ining importante nga mga pamangkot.
^ par. 7 Tan-awa ang artikulo nga “Jehovah Has Dealt Rewardingly With Me” sa Oktubre 1, 1984, nga The Watchtower.
^ par. 8 Tan-awa ang kap. 3, par. 23.
^ par. 53 PIKTYUR: Samtang ara si apostol Pablo sa balay sang isa ka utod, mapainubuson sia kag malipayon nga nagaistorya sa iban, lakip sa mga kabataan.
^ par. 57 PIKTYUR: Ginabaton sang utod ang laygay sang mas bataon nga utod nga nabase sa Biblia.
^ par. 59 PIKTYUR: Wala nahisa ang tigulang nga utod sa bataon nga utod nga nakabaton sang pribilehiyo sa kongregasyon.