Isa ka daku nga responsibilidad para sa mga ginikanan ang pagtudlo sa ila kabataan parte kay Jehova. (Efe. 6:4) Para buligan ang mga ginikanan, naghimo ang organisasyon ni Jehova sang madamo nga mga artikulo, mga video, kag mga kanta. Kon isa ikaw ka ginikanan, paano mo ini magamit sa pagtudlo sa imo kabataan?

• Buksi ang jw.org/hil. Makita mo diri ang tanan nga impormasyon nga gindesinyo para sa mga pamatan-on. Nalakip sa sini ang mga video kag mga worksheet. a Para makita mo ini, i-type ang “Kabataan” ukon “Tin-edyer” sa search bar.

• Pilia ang impormasyon nga bagay gid sa imo bata. Sa seksion nga “Kabataan,” makapili ka sang mga artikulo, mga video, kag mga kanta nga makabulig gid sa imo bata. Para makita mo ini, i-type ang “Hilimuon sa Pangpamilya nga Pagsimba” sa search bar.

• Binagbinaga ang impormasyon sa imo bata. Indi paggamita ang mga video ukon ang mga worksheet para lingawon lang ang imo bata ukon para may himuon lang sia. Sa baylo, binagbinaga ini sa iya kag buligi sia nga mangin suod kay Jehova.