Pareho sang isa ka endangered species, talagsa na lang makita ang respeto, amo nga nagakakibot ang mga tawo kon may magpakita sini.

Halimbawa, madamo nga tawo ang wala na nagarespeto sa ila ginikanan, sa mga tigulang, sa mga pulis, sa ila mga boss, kag sa ila mga maestra kag maestro. Dugang pa, sa social media, madamo na gid ang nagahambal sang malain sa iban. Base sa isa ka artikulo sa Harvard Business Review, “mas nagadamo na gid” ang mga tawo nga wala nagapakita sang respeto sa iban. Nagsiling pa ini nga ang pagkadula sang respeto “nagalala pa gid subong kag nagadamo na gid ang mga tawo nga nagareport parte sini.”