Ang Labing Importante nga Hitabo sa Maragtas

AMO ini ang kamatayon ni Jesucristo. Ngaa importante gid ini? Bangod sang pila ka rason.

Ang katutom ni Jesus tubtob sa kamatayon nagpamatuod nga sarang mahuptan sang tawo ang integridad sa Dios.

Ang kamatayon ni Cristo naghatag sing kahigayunan sa pila nga mangin kaupod niya nga mga manuggahom sa langit. Ginbuksan man sini ang dalan para sa madamo pa nga makaagom sang kabuhi nga walay katapusan sa paraiso sa duta.

Sang gab-i antes sia mapatay, gingamit ni Jesus ang tinapay nga walay tapay kag ang alak nga mapula subong mga simbulo sang iya mahigugmaon tawhanon nga halad. Kag nagsiling siya sa iya mga disipulo: “Padayon ninyo nga himuon ini sa handumanan nakon.” (Lucas 22:19) Dumdumon mo bala ining importante nga hitabo?

Ang mga Saksi ni Jehova mainit nga nagaagda sa imo nga magbuylog sa ila pagsaulog sang Memoryal sang kamatayon ni Jesus. Sa sini nga tuig ang pagsaulog pagahiwaton sa Huebes, Marso 28, pagtunod sang adlaw. Mahimo ikaw makatambong sa Kingdom Hall nga malapit sa imo puluy-an. Palihug pamangkuta ang mga Saksi ni Jehova sa inyo lugar para sa eksakto nga oras kag duog.