Kapin sa Bisan Anong Tion, Magpabilin Gid nga Nagamata Karon!
Kapin sa Bisan Anong Tion, Magpabilin Gid nga Nagamata Karon!
“Indi kita magtulog subong sang ginahimo sang iban, kundi magpabilin kita nga nagamata kag huptan ang aton kaligdong.”—1 TESALONICA 5:6.
1, 2. (a) Ano nga sahi sang mga siudad ang Pompeii kag Herculaneum? (b) Ano nga paandam ang wala ginsapak sang madamo nga mga pumuluyo sang Pompeii kag Herculaneum, kag ano ang resulta?
SANG nahauna nga siglo sang aton Kumon nga Dag-on, ang Pompeii kag Herculaneum duha ka matin-ad nga siudad sang Roma malapit sa Bukid Vesuvius. Amo ini ang popular nga balakasyunan sang manggaranon nga mga Romano. Ang ila mga teatro may pulungkuan para sa kapin sa isa ka libo ka tumalan-aw, kag sa Pompeii may isa ka daku nga ampiteatro nga may pulungkuan para sa halos bug-os nga banwa. Ang mga nagkutkot sa Pompeii nakasapo sing 118 ka bar kag balaligyaan sing alak, ang iban sini ginhimo nga sugalan ukon balay sang prostitusyon. Lapnag ang imoralidad kag materyalismo, nga ginapamatud-an sang mga wall painting kag sang iban pa nga mga nakutkutan.
2 Sang Agosto 24, 79 C.E., ang Bukid Vesuvius naglupok. Sa una nga paglupok sini, nagapati ang mga bulkanologo nga mahimo nga nagpalagyo ang mga pumuluyo bisan pa nagaulan sing mga bato kag abo sa duha ka siudad. Sa pagkamatuod, daw madamo ang nagpalagyo. Apang, ang iban nga nagpakadiutay sa katalagman ukon wala magsapak sa mga paandam nagdesisyon nga magpabilin. Nian, sang mga tungang-gab-i, hinali lamang nagbuga ang bulkan sing tuman kainit nga mga elemento sa hangin, mga bato, kag mga igang sa Herculaneum, amo nga napuot ang tanan nga pumuluyo nga nabilin sa siudad. Sang kaagahon pagkadason nga adlaw, amo man sini nga hitabo ang gintunaan sang pagkapatay sang tanan sa Pompeii. Daw ano ka makahalanusbo nga resulta sang indi pagpamati sa mga paandam!
Ang Katapusan sang Judiyong Sistema sang mga Butang
3. Ano ang pagkaanggid sang kalaglagan sa Jerusalem kag sang kalaglagan sa Pompeii kag sa Herculaneum?
3 Siam ka tuig antes, ang paglaglag sa Jerusalem mas makahaladlok pa sangsa natabo sa Pompeii kag Herculaneum, bisan pa tawo lamang ang ginhalinan sadto nga kalaglagan. Ginlaragway subong “isa sang pinakagrabe nga mga paglikop sang mga hangaway sa bug-os nga maragtas,” kapin sa isa ka milyon ka Judiyo ang napatay sa sini suno sa report. Apang, kaangay sang kalamidad sa Pompeii kag Herculaneum, ang kalaglagan sang Jerusalem wala matabo nga wala sing paandam.
4. Anong matagnaon nga tanda ang ginhatag ni Jesus agod paandaman ang iya mga sumulunod nga malapit na ang katapusan sang isa ka sistema sang mga butang, kag paano ini natuman sa una nga tion sang nahauna nga siglo?
4 Gintagna ni Jesucristo ang kalaglagan sang siudad kag ang mga hitabo antes sini—ang makatulublag nga mga hitabo subong sang mga inaway, kakulang sing pagkaon, mga linog, kag pagkamalinapason. Ang butig nga mga manalagna mangin aktibo, apang ang maayong balita sang Ginharian sang Dios ibantala sa bug-os nga kalibutan. (Mateo 24:4-7, 11-14) Bisan pa ang daku nga katumanan sang mga pulong ni Jesus nagakatabo karon, ang diutay nga katumanan sini natabo sadto. Suno sa rekord sang maragtas, isa ka grabe nga tiggulutom ang natabo sa Judea. (Binuhatan 11:28) Ang Judiyong istoryador nga si Josephus nagreport sing isa ka linog sa Jerusalem wala madugay antes malaglag ang siudad. Samtang nagahilapit ang katapusan sang Jerusalem, walay untat ang mga pagribok, pag-ilinaway sang magkatuhay nga mga partido politika sang mga Judiyo, kag ang pagpinatyanay sang mga Judiyo kag mga Gentil sa pila ka siudad. Walay sapayan sini, ang maayong balita sang Ginharian ginbantala sa “tanan nga tinuga sa idalom sang langit.”—Colosas 1:23.
5, 6. (a) Anong matagnaon nga mga pulong ni Jesus ang natuman sang 66 C.E.? (b) Ngaa kadamo gid sang nagkalamatay sang mapukan sang ulihi ang Jerusalem sang 70 C.E.?
Lucas 21:20, 21) Nag-abot ang tion nga dapat biyaan ang Jerusalem—apang paano? Sang wala ginapaabot, ginpaatras ni Gallus ang iya mga tropa, sa amo natuman sang mga Cristiano sa Jerusalem kag sa Judea ang ginsiling ni Jesus kag nalagyo sila padulong sa kabukiran.—Mateo 24:15, 16.
5 Sang ulihi, sang 66 C.E., nagrebelde ang mga Judiyo batok sa Roma. Sang ginpangunahan ni Cestius Gallus ang isa ka hangaway sa paglikop sa Jerusalem, nadumduman sang mga sumulunod ni Jesus ang ginsiling ni Jesus: “Kon makita ninyo ang Jerusalem nga nalikupan sang nagkampo nga mga hangaway, nian hibalua ninyo nga ang paghapay sa iya malapit na. Nian ang mga sa Judea magpalagyo sa mga bukid, kag ang mga sa tunga niya magguwa, kag ang mga sa kaumhan indi na magsulod sa iya.” (6 Apat ka tuig sang ulihi, sang mga panahon sang Paskuwa, nagbalik ang Romanong mga tropa sa idalom ni Heneral Tito, nga determinado sa pagtapos sang pagrebelde sang mga Judiyo. Ginlibutan sang iya hangaway ang Jerusalem kag nagtukod sila sing “pamakod nga may mataliwis nga mga usok,” sa amo imposible ang pagpalagyo. (Lucas 19:43, 44) Walay sapayan sang peligro nga magdabdab ang inaway, ang mga Judiyo gikan sa bug-os nga Emperyo sang Roma nagdugok sa Jerusalem para sa Paskuwa. Nakibon sila karon. Suno kay Josephus, ang kalabanan nga nabiktima sang paglikop sang Roma amo ining makaluluoy nga mga bisita. * Sang mapukan sang ulihi ang Jerusalem, mga ikapito nga bahin sang tanan nga mga Judiyo sa Emperyo sang Roma ang napatay. Ang kalaglagan sang Jerusalem kag sang templo sini nagkahulugan sang katapusan sang Judiyong estado kag sang iya relihioso nga sistema nga napasad sa Mosaikong Kasuguan. *—Marcos 13:1, 2.
7. Ngaa nakalampuwas ang matutom nga mga Cristiano sang malaglag ang Jerusalem?
7 Sang 70 C.E., mahimo kuntani nga napatay man ukon naulipon upod sa tanan nga iban pa ang Judiyong mga Cristiano sa Jerusalem. Apang, suno sa maragtason nga ebidensia, ginpamatian nila ang paandam ni Jesus nga ginhatag 37 ka tuig antes sini. Ginbiyaan nila ang siudad kag wala sila magbalik.
Sibu sa Tion nga mga Paandam sang mga Apostol
8. Ano nga kinahanglanon ang nahantop ni Pedro, kag ano nga mga pulong ni Jesus ang mahimo gid nga gindumdom niya?
8 Sa karon, isa ka mas masangkad nga kalaglagan ang nagapakari nga magatapos sining bug-os nga sistema sang mga butang. Anom ka tuig antes malaglag ang Jerusalem, naghatag si apostol Pedro sing hilingagawon kag sibu sa tion nga laygay nga naaplikar ilabi na sa mga Cristiano sa aton adlaw: Magpabilin kamo nga alerto! Nahantop ni Pedro nga kinahanglan pukawon sang mga Cristiano ang ila “matin-aw nga ikasarang sa paghunahuna” agod nga indi nila pagsikwayon ang “sugo sang Ginuo,” si Jesucristo. (2 Pedro 3:1, 2) Sa pagpalig-on sa mga Cristiano nga mangin alerto, mahimo gid nga gindumdom ni Pedro ang nabatian niya nga ginsiling ni Jesus sa Iya mga apostoles mga pila ka adlaw antes sang Iya kamatayon: “Magpabilin kamo nga nagabantay, magpabilin kamo nga nagamata, kay wala ninyo mahibalui kon san-o ang gintalana nga tion.”—Marcos 13:33.
9. (a) Anong makatalagam nga panimuot ang napalambo sang iban? (b) Ngaa makatalagam gid ang maduhaduhaon nga panimuot?
9 Sa karon, ang iban mayubiton nga nagapamangkot: “Diin ining ginsaad nga presensia niya?” (2 Pedro 3:3, 4) Mahimo gid nga nagapati ining mga indibiduwal nga wala gid magbag-o ang kahimtangan kundi nagapadayon nga amo lamang gihapon sugod sang gintuga ang kalibutan. Makatalagam ini nga pagkamaduhaduhaon. Sarang mapaluya sang pagduhaduha ang aton ginabatyag nga pagkahilingagawon sang tion, ginaimpluwensiahan kita nga magpatuyang sa kaugalingon. (Lucas 21:34) Luwas pa, subong sang ginapakita ni Pedro, nalipatan sining mga mayubiton ang Anaw sang adlaw ni Noe, nga naglaglag sang isa ka bug-os kalibutan nga sistema sang mga butang. Nagbag-o gid kon amo ang kahimtangan!—Genesis 6:13, 17; 2 Pedro 3:5, 6.
10. Paagi sa anong mga pulong ginapalig-on ni Pedro ang mga indibiduwal nga mahimo tinak-an na sa paghulat?
10 Ginabuligan ni Pedro ang iya mga bumalasa nga palambuon ang pagkamapailubon paagi sa pagpahanumdom sa ila kon ngaa masami nga wala nagahulag gilayon ang Dios. Una anay, si Pedro nagsiling: “Ang isa ka adlaw kay Jehova subong sang isa ka libo ka tuig kag ang isa ka libo ka tuig subong sang isa ka adlaw.” (2 Pedro 3:8) Sanglit si Jehova nagakabuhi tubtob sa walay katubtuban, sarang niya mabinagbinag ang tanan nga butang kag mapili ang pinakamaayo nga tion sa paghulag. Nian, ginpatalupangod ni Pedro ang handum ni Jehova nga maghinulsol ang mga tawo bisan diin. Ang pagpailob sang Dios nagakahulugan sing kaluwasan para sa madamo nga malaglag kuntani kon naghulag sia sa gilayon. (1 Timoteo 2:3, 4; 2 Pedro 3:9) Apang, ang pagpailob ni Jehova wala nagakahulugan nga indi na gid sia maghulag. “Ang adlaw ni Jehova magaabot subong sang makawat,” siling ni Pedro.—2 Pedro 3:10.
11. Ano ang magabulig sa aton agod magpabilin kita nga nagamata sa espirituwal, kag paano sini daw ‘mapadasig’ ang adlaw ni Jehova?
11 Talalupangdon ang pagpaanggid nga gingamit ni Pedro. Indi madali madakpan ang mga makawat, apang daku ang posibilidad nga makita sang isa ka manugbantay nga nagapabilin nga nagamata sa bug-os nga gab-i ang makawat sangsa isa nga nagakadukaan kon kaisa. Paano ang manugbantay 2 Pedro 3:11) Ini nga hilikuton magabulig sa aton nga padayon nga ‘dumdumon gid pirme ang presensia sang adlaw ni Jehova.’ Ang Griegong tinaga nga ginbadbad “ginadumdom gid pirme” sarang mabadbad sing literal nga “ginapadasig.” (2 Pedro 3:12) Matuod, indi naton mabag-o ang iskedyul sang tion ni Jehova. Ang iya adlaw magaabot sa iya gintalana nga tion. Apang ang tion kutob karon tubtob sa sina nga tion magalipas nga daw kadali lamang kon masako kita sa pag-alagad sa iya.—1 Corinto 15:58.
makapabilin nga nagamata? Mas makapabilin ka nga alerto kon maglakatlakat ka sangsa magpungko ka lang sa bug-os nga gab-i. Sing kaanggid, ang pagpabilin nga aktibo sa espirituwal magabulig sa aton subong mga Cristiano sa pagpabilin nga nagamata. Gani, ginapalig-on kita ni Pedro nga magmasako sa “balaan nga paggawi kag sa mga buhat sang diosnon nga debosyon.” (12. Subong mga indibiduwal, paano kita makabenepisyo gikan sa pagpailob ni Jehova?
12 Busa, ang bisan sin-o nga nagabatyag nga ang adlaw ni Jehova nagapalantang ginapalig-on nga pamatian ang laygay ni Pedro nga hulaton sing mapailubon ang gintalana nga tion ni Jehova. Sa pagkamatuod, sarang naton magamit sing maalamon ang ekstra pa nga tion nga ginatugot sang pagpailob sang Dios. Halimbawa, padayon nga mapauswag pa naton ang importante nga Cristianong mga kinaiya subong man mapaambit naton ang maayong balita sa madamo pa. Kon magpabilin kita nga nagamata, masapwan kita ni Jehova nga “walay dagta kag walay kasawayan kag sa paghidait” kon malaglag na ining sistema sang mga butang. (2 Pedro 3:14, 15) Daw ano ina nga padya!
13. Ano nga mga pulong ni Pablo sa mga Cristiano sa Tesalonica ang ilabi na nga nagakaigo karon?
13 Sa una nga sulat ni Pablo sa mga Cristiano sa Tesalonica, ginsambit man niya ang kinahanglanon nga magpabilin nga nagamata. Naglaygay sia: “Indi kita magtulog subong sang ginahimo sang iban, kundi magpabilin kita nga nagamata kag huptan ang aton kaligdong.” (1 Tesalonica 5:2, 6) Sa karon, bangod nagahilapit na ang kalaglagan sang isa ka bug-os kalibutan nga sistema sang mga butang, kinahanglanon gid ini! Ang mga sumilimba ni Jehova nagakabuhi sa isa ka kalibutan nga wala sing interes sa espirituwal nga mga butang, kag mahimo ini makaapektar sa ila. Busa, nagalaygay si Pablo: “Huptan naton ang aton kaligdong kag isul-ob ang limbutong sang pagtuo kag gugma kag subong pandong ang paglaum sang kaluwasan.” (1 Tesalonica 5:8) Ang regular nga pagtuon sa Pulong sang Dios kag ang regular nga pagpakig-upod sa aton mga kauturan sa mga miting magabulig sa aton agod masunod ang laygay ni Pablo kag agod indi naton malipatan ang pagkahilingawon sang tion.—Mateo 16:1-3.
Minilyon ang Padayon nga Nagabantay
14. Ano nga mga estadistika ang nagapakita nga madamo karon ang nagasunod sa laygay ni Pedro nga magpabilin nga nagamata?
14 Madamo bala karon ang nagasunod sa inspirado nga pagpalig-on nga magpabilin nga alerto? Huo. Sang 2002 nga tuig sang pag-alagad, isa ka peak nga 6,304,645 ka manugbantala—3.1-porsiento nga pag-uswag sangsa 2001—ang naghatag sing ebidensia nga alerto sila sa espirituwal paagi sa paghinguyang sing 1,202,381,302 ka oras sa pagpakighambal sa iban tuhoy sa Ginharian sang Dios. Para sa ila, ini nga hilikuton indi isa ka sarang mapaiway nga butang. Isa ini ka importante nga bahin sang ila kabuhi. Ang panimuot sang madamo sa ila ginapakita sang halimbawa ni Eduardo kag ni Noemi nga taga-El Salvador.
15. Ano nga eksperiensia gikan sa El Salvador ang nagapakita nga madamo ang nagapabilin nga alerto sa espirituwal?
15 Sang nagligad nga pila ka tuig, gintalupangod ni Eduardo kag ni Noemi ang mga pulong ni Pablo: “Ang danyag sining kalibutan nagabalhin.” (1 Corinto 7:31) Ginpasimple nila ang ila kabuhi kag nagsulod sa bug-os tion nga ministeryo subong mga payunir. Sa pagligad sang tion, ginpadyaan sila sa madamo nga paagi kag nakapakigbahin pa gani sa hilikuton sa sirkito kag distrito. Walay sapayan sang ila mabug-at nga mga problema, kumbinsido si Eduardo kag si Noemi nga husto ang ila desisyon sang ginsakripisyo nila ang kasulhayan sa materyal kabaylo sang bug-os tion nga pag-alagad. Madamo sa 29,269 ka manugbantala—lakip ang 2,454 ka payunir—sa El Salvador ang nagpakita sing kaanggid man nga pagkamasinakripisyuhon, nga amo ang isa ka rason kon ngaa ini nga pungsod nakatigayon sing 2-porsiento nga pag-uswag sa kadamuon sang mga manugbantala sang nagligad nga tuig.
16. Ano nga panimuot ang ginpakita sang isa ka lamharon nga utod nga lalaki sa Côte d’Ivoire?
16 Sa Côte d’Ivoire, pareho man nga panimuot ang ginpakita sang isa ka lamharon nga Cristianong lalaki nga nagsulat sa sanga talatapan:
“Nagaalagad ako subong isa ka ministeryal nga alagad. Apang indi ko masilingan ang mga utod nga magpayunir sila samtang ako mismo wala nagapakita sing maayong halimbawa. Gani ginbiyaan ko ang isa ka daku sing suweldo nga trabaho kag nangita ako sing kaugalingon nga palangitan-an, nga naghatag sa akon sing kapin nga tion para sa ministeryo.” Ining lamharon nga lalaki nangin isa sang 983 ka payunir nga nagaalagad sa Côte d’Ivoire, nga nagreport sing 6,701 ka manugbantala sang nagligad nga tuig, isa ka 5 porsiento nga pag-uswag.17. Paano ginpakita sang isa ka pamatan-on nga Saksi sa Belgium nga wala sia mahadlok sa pag-ihig-ihig?
17 Ang pagkapanatiko, pag-ihig-ihig, kag pagpasulabi padayon gihapon nga ginabangdan sang mga problema para sa 24,961 ka manugbantala sang Ginharian sa Belgium. Walay sapayan sini, makugi sila kag wala mahadlok. Sang mabatian sang isa ka 16-anyos nga Saksi nga ginlaragway ang mga Saksi ni Jehova subong isa ka sekta sa ila klase tuhoy sa moralidad sa eskwelahan, nangayo sia sing pahanugot nga ipaathag ang pagtamod sang mga Saksi ni Jehova. Paagi sa video nga Jehovah’s Witnesses—The Organization Behind the Name kag sa brosyur nga Mga Saksi ni Jehova—Sin-o Sila?, napaathag niya kon sin-o gid ang mga Saksi. Gin-apresyar gid ang impormasyon nga ginpresentar niya, kag pagkadason nga semana ginhatagan ang mga estudyante sing test nga ang mga pamangkot tuhoy tanan sa Cristianong relihion sang mga Saksi ni Jehova.
18. Ano ang ebidensia nga ang mga manugbantala sa Argentina kag Mozambique wala mabalabagan sang mga problema sa pangabuhi sa pag-alagad kay Jehova?
18 Ang kalabanan nga mga Cristiano indi gid makalikaw sa mabug-at nga mga problema sa sining katapusan nga mga adlaw. Walay sapayan sini, nagatinguha sila nga indi mabalabagan. Walay sapayan sang nabalita nga mga problema sa ekonomiya, nagreport ang Argentina sing isa ka bag-o nga peak nga 126,709 ka Saksi sang nagligad nga tuig. Lapnag gihapon ang kaimulon sa Mozambique. Walay sapayan sini, 37,563 ang nagreport nga nakig-ambit sa pagpanaksi nga hilikuton, isa ka 4 porsiento nga pag-uswag. Mabudlay ang pangabuhi para sa madamo sa Albania, apang ini nga pungsod nagreport sing pag-uswag nga 12 porsiento, kag nakalab-ot sing isa ka peak nga 2,708 ka manugbantala. Maathag nga ang espiritu ni Jehova wala ginabalabagan sang mabudlay nga mga kahimtangan kon ginauna sang iya mga alagad ang mga intereses sang Ginharian.—Mateo 6:33.
19. (a) Ano ang ebidensia nga madamo pa nga tulad-karnero nga mga tawo ang ginagutom sa kamatuoran sang Biblia? (b) Ano ang iban pa nga mga detalye sang tuigan nga report ang nagapakita nga ang mga alagad ni Jehova nagapabilin nga nagamata sa espirituwal? (Tan-awa ang tsart sa pahina 12-15.)
19 Ang binulan nga promedyo nga 5,309,289 ka pagtuon sa Biblia nga ginreport sang nagligad nga tuig sa bug-os nga kalibutan nagapakita nga madamo pa nga tulad-karnero nga mga tawo ang ginagutom sa kamatuoran sang Biblia. Sa bag-o nga peak nga 15,597,746 nga nagtambong sa Memoryal, ang kalabanan sini indi pa aktibo nga nagaalagad kay Jehova. Kabay nga magpadayon sila sa pag-uswag sa ihibalo kag sa gugma kay Jehova kag sa paghiliutod. Makakulunyag makita nga ang “dakung kadam-an” sang “iban nga mga karnero” padayon nga mabungahon samtang nagaalagad sila sa Manunuga “sa adlaw kag gab-i sa iya templo” upod sa ila hinaplas sang espiritu nga mga kauturan.—Bugna 7:9, 15; Juan 10:16.
Isa ka Leksion Gikan kay Lot
20. Ano ang matun-an naton gikan sa halimbawa ni Lot kag sang iya asawa?
20 Sa pagkamatuod, mahimo nga bisan ang matutom nga mga alagad sang Dios malipat sa makadali sa pagkahilingawon sang tion. Hunahunaa ang hinablos ni Abraham nga si Lot. Nabalitaan niya sa nagduaw nga duha ka anghel nga laglagon na sang Dios ang Sodoma kag Gomorra. Indi dapat makibot si Lot sa sini nga balita kay sia mismo “natublag sing daku sang pagpatuyang sang nagabato-sa-kasuguan nga mga tawo sa maulag nga paggawi.” 2 Pedro 2:7) Apang, sang gindapit sia sang duha ka anghel paguwa sa Sodoma, “nagpadugaydugay pa sia.” Halos kinahanglan pa nga guyuron sia kag ang iya pamilya paguwa sa siudad. Amo kon ngaa nga wala ginpamatian sang asawa ni Lot ang paandam sang mga anghel nga indi magbalikid. Nadula niya ang iya kabuhi bangod sang iya pagpatumbaya. (Genesis 19:14-17, 26) “Dumduma ang asawa ni Lot,” paandam ni Jesus.—Lucas 17:32.
(21. Ngaa importante nga magpabilin nga nagamata karon kapin sa bisan anong tion sang una?
21 Ang kalaglagan sa Pompeii kag Herculaneum kag ang mga natabo sang malaglag ang Jerusalem, subong man ang mga halimbawa sang Anaw sang adlaw ni Noe kag ni Lot, nagailustrar tanan nga importante gid nga pamatian ang mga paandam. Subong mga alagad ni Jehova, ginakilala naton ang tanda sang tion sang katapusan. (Mateo 24:3) Ginpain naton ang aton kaugalingon gikan sa butig nga relihion. (Bugna 18:4) Kaangay sang mga Cristiano sang nahauna nga siglo, dapat naton ‘dumdumon gid pirme ang presensia sang adlaw ni Jehova.’ (2 Pedro 3:12) Huo, kapin sa bisan anong tion sang una, dapat kita magpabilin nga nagamata karon! Ano nga mga tikang ang mahimo naton, kag ano nga mga kinaiya ang mapalambo naton agod makapabilin kita nga nagamata? Binagbinagon ini sang masunod nga artikulo.
[Mga nota]
^ par. 6 Indi mahimo nga kapin sa 120,000 ang pumuluyo sang Jerusalem sang nahauna nga siglo. Ginabulubanta ni Eusebius nga 300,000 ka pumuluyo gikan sa probinsia sang Judea ang naglakbay pa Jerusalem para sa Paskuwa sang 70 C.E. Ang iban nga mga biktima mahimo gid nga naghalin sa iban nga mga bahin sang emperyo.
^ par. 6 Sa pagkamatuod, gikan sa pagtamod ni Jehova, ang Mosaikong Kasuguan ginbuslan sang bag-ong katipan sang 33 C.E.—Efeso 2:15.
Paano Mo Sabton?
• Bangod sang ano nga hitabo nga wala maulamid ang Judiyong mga Cristiano sang malaglag ang Jerusalem?
• Paano ang laygay sa mga sinulatan nanday apostol Pedro kag Pablo nagabulig sa aton nga magpabilin nga nagamata?
• Sin-o karon ang nagahatag sing ebidensia nga nagamata gid sila?
• Ano nga leksion ang matun-an naton gikan sa natabo kay Lot kag sa iya asawa?
[Mga Pamangkot sa Pagtinuon]
[Chart on page 12-15]
2002 SERVICE YEAR REPORT OF JEHOVAH’S WITNESSES WORLDWIDE
(See bound volume)
[Retrato sa pahina 9]
Sang 66 C.E., ginpamatian sang Cristianong komunidad sa Jerusalem ang paandam ni Jesus
[Mga retrato sa pahina 10]
Ang pagpabilin nga aktibo nagabulig sa mga Cristiano sa pagpabilin nga nagamata