Isa ka Adlaw nga Dulumdumon

SANG gab-i antes sia napatay, ginpasa ni Jesucristo ang wala tapay nga tinapay kag ang kopa sang mapula nga alak sa iya mga apostoles kag ginsugo sila nga magkaon kag mag-inom. Kag ginsilingan pa niya sila: “Himua ninyo ini sa handumanan nakon.”​​​—⁠⁠Lucas 22:19.

Sa sini nga tuig ang anibersaryo sini nga okasyon magatupa sa Domingo, Abril 4, pagtunod sang adlaw. Ang mga Saksi ni Jehova sa bug-os nga kalibutan magatipon sa sini nga gab-i sa pagsaulog sang Memoryal suno sa paagi nga ginsugo ni Jesus. Hanuot gid nga ginaagda namon kamo sa pagtambong kaupod nila. Palihug pamangkuta ang mga Saksi ni Jehova sa inyo duog kon san-o kag sa diin hiwaton ining pinasahi nga okasyon.