Mapanan-aw Mo Bala ang Imo Ginabasa?

AGOD mapanan-aw ang mga hitabo, makabulig sa imo kon pamilyar ka sa mga lugar nga imo nabasahan. Halimbawa, binagbinaga ang mga paglakbay ni apostol Pablo subong misyonero, nga ginasaysay sa tulun-an nga Binuhatan sa Biblia. Sa iya una nga paglakbay, nagsugod sia sa Antioquia, diin una nga gintawag nga mga Cristiano ang mga sumulunod ni Jesus. Halin didto nagpakadto sia sa mga lugar subong sang Salamis, Antioquia sa Pisidia, Iconio, Listra, kag Derbe. Mapanan-aw mo bala kon diin anay ini nga mga lugar?

Ayhan indi, magluwas lang kon may mapa ikaw. Sa bag-o nga 36-pahina nga brosyur nga “See the Good Land,” nalakip ini nga mapa. Ang isa ka bumalasa sa Montana, E.⁠U.⁠A., mapinasalamaton nga nagsiling: “Ginapanan-aw ko ang paglakbay ni Pablo kag ginahanduraw ang sahi sang iya paglakbay kag ang hilikuton niya kag sang iban pa sadto sa pagpalapnag sing maayong balita. Salamat sa sining matahom nga mga mapa.”

Ang mapa sang paglakbay ni Pablo isa lamang sa madamo nga mapa sa sini nga brosyur nga magabulig sa bumalasa agod mapanan-aw ang ginasaysay sa Biblia. Mahimo ka makapangabay sing kopya sang “See the Good Land” paagi sa pagsulat sa kaupod nga kupon kag ipadala ini sa direksion nga ginapakita ukon sa nagakaigo nga direksion sa pahina 2 sini nga magasin.

□ Interesado ako nga makabaton sing kopya sang brosyur nga “See the Good Land.”

□ Palihug kontaka ako tuhoy sa walay bayad nga pagtuon sa Biblia sa puluy-an.

[Credit Line sang retrato sa pahina 32]

Pictorial Archive (Near Eastern History) Est.