New Year’s Tree—Tradisyon Bala sang mga Ruso? Ukon sang mga Cristiano?

“SA UMPISA sang katuigan 1830, ang kahoy nga evergreen ginakabig gihapon subong isa ka ‘makagalanyat nga ideya gikan sa Alemanya.’ Sa hingapusan sinang dekada, ‘nangin kustombre’ ini sa mga puluy-an sang mga kadalagkuan sa St. Petersburg. . . . Sang ika-19 nga siglo ang klero kag pigado nga mga mangunguma lamang ang wala magsunod sa kustombre nga magbutang sing evergreen nga kahoy sa ila mga puluy-an. . . .

“Antes sang ika-19 nga siglo, ang evergreen, . . . wala gid ginapabaloran. Ang katunayan nga ginakabig ini subong simbulo sang kamatayon kag naangot sa ‘kalibutan sang mga patay’ suno sa Ruso nga tradisyon, kag ang tradisyon sang pagbutang sini sa mga atop sang mga ilimnan, kabaliskaran gid sa pagbag-o sa mga pagtamod sang tungatunga sang ika-19 nga siglo. . . . Nahangpan sing bug-os nga kon batunon ining kustombre sang pagpuni sing evergreen nga kahoy sa mga puluy-an, ang kahulugan sining indi tumandok nga tradisyon mangin subong sa kahulugan nga ginpatuhoy sa Christmas tree sa Katundan, ang kaangtanan sini sa tema sang Krismas. . . .

“Wala gilayon ginbaton ang kahoy subong isa ka ‘Cristiano’ nga simbulo sa Rusya. Ginpamatukan ini sang Ortodokso nga Simbahan. Nakita sang klero nga ining bag-o nga selebrasyon may ‘demoniko nga lihok,’ isa ka pagano nga tradisyon, nga wala sing kaangtanan sa pagkabun-ag sang Manluluwas, kag dugang pa, isa ini ka tradisyon gikan sa Katundan.”—Propesor Yelena V. Dushechkina, doktor sang philological sciences sa St. Petersburg State University.

[Credit Line sang retrato sa pahina 32]

Photograph: Nikolai Rakhmanov