Isa ka Imbitasyon . . .

Dios Bala Gihapon ang Nagagahom?

Kinaugali nga mga kalamidad, makamamatay nga mga balatian, kagarukan sang mga tawo nga yara sa poder, mga pag-atake sang mga terorista, mga inaway, krimen. Halos adlaw-adlaw mabatian naton ini nga sahi sang mga balita. Apektado ka man ukon indi, mahimo magapamangkot ka kon diin nagapadulong ang kalibutan kag kon magaayo pa ang kahimtangan.

Agod masabat ini nga mga pamangkot, ang mga Saksi ni Jehova sa kapin sa 200 ka kadutaan sa bug-os nga kalibutan magahatag sing husto gid sa tion nga pamulongpulong publiko nga natig-uluhan, “Dios Bala Gihapon ang Nagagahom?” Binagbinagon sini ang ginasiling kag ginasaad sang Dios sa iya wala gid nagasayop nga Pulong, ang Biblia, tuhoy sa sining mga pamangkot:

Interesado bala ang Dios sa mga nagakatabo sa duta?

Ano ang balatyagon niya sa katawhan?

Interesado bala sia sa imo kaayuhan?

Sa madamo nga duog, ang pamulongpulong pagahiwaton sa Domingo, Abril 30, 2006, sa Kingdom Hall sang mga Saksi ni Jehova. Nalipay ang mga Saksi sa inyo duog sa pagsugid sa imo sang oras kag lugar nga pagahiwatan sang pamulongpulong.

Mainit ka nga ginaabiabi sa pagtambong sa sining makapalig-on kag wala sing bayad nga pamulongpulong pasad sa Biblia nga magahatag sing makaalayaw nga sabat sa pamangkot: Dios Bala Gihapon ang Nagagahom?